Ford Puma деновиве во полна форма ќе го живееше статусот на нова ѕвезда во моделската програма на марката со синото лого. Но, ситуацијата уште се води како вонредна, а новиот модел мора да допре до јавноста. Има решение и за тоа: Како правилно да се измие автомобилот – преку пример со Ford Puma.
Др. Џени Додман, шефица на лекарскиот тим на Ford во Велика Британија, објаснува зошто во овие времиња е поважно од кога било досега, автомобилот да биде чист: „Околу нас постојано се наоѓаат микроорганизми и тоа е сосем нормално. Само мал дел од нив може да биде штетен по нашето здравје. Таков е случајот со корона-вирусот. Затоа е важна хигиената.“
Вообичаените средства за чистење од домот се делотворни против корона-вирусот. Во автомобилот треба посебно да се внимава на подрачјата што често се допираат. Тоа се воланот, рачките на вратите, менувачот, дисплејот, потпирачите за рака и рачките за местење на седиштето. Безбедносните ремени исто така не треба да се забораваат, затоа што тие прилегнуваат врз телото и постои можност вирусот да се пренесе врз нив преку кашлање и кивање.
Други совети:
За чистење и дезинфекција на кабината, не користете производи што содржат средство за белење или водороден пероксид. Покрај тоа, треба да се избегнуваат средства врз основа на амонијак, затоа што тој може да нагриза некои од специјалните површински слоеви во кабината.
Миење на возилото треба да се практикува секогаш по неговото користење од друг возач. Исто така се препорачува во автомобилот да се остави средство за дезинфекција.
ВНАТРЕ
- Рачки на врати
- Прекинувачи за прозорци / за ретровизори
- Фиока
- Волан, сирена и рачка за местење
- Отвори за воздух
- Арматурна табла
- Копче за старт
- Инструменти
- Команди за клима
- Рачка на менувач
Не ги заборавајте и…
- Задна полица
- Под на багажник
- Прекинувачи за сончев покрив
- Безбедносен ремен и копча
- Висинско местење на седиште
- Клуч на возилото
- Паркирна сопирачка
- Касета пред совозачкото
- Упатство за ракување
- Држач за чаша
- Внатрешно осветлување
- Потпирачи за глава
- Џебови во седиштата