Мајбах е име што поседува доволно тежина да го пренесе своето значење на бројни производи што се поврзуваат со луксузното живеење и поседување. Единаесет нови модели очила со името Мајбах им стојат на располагање на имотници, од модели без рамка, до впечатливи навигатор-форми, и за сонце, и за корекција на вид.
Впечатливото лого на Мајбах со двојното М укажува јасно за какви очила станува збор. Цената се оправдува со рачна изработка, со напредни технологии и со користење исклучителни материјали, од рогови и ретко дрво, до јапонски ацетат и титан, со по некој дијамант тука и таму.
Моделите
Кралот Четврти
Класична форма на пилот-очила со нагласена линија на веѓи и видливо лого Мајбах. Титан и платина, ретко дрво или рог, стакла Карл Цајс, избор 24-каратна позлата, 18-каратно розе злато, паладиум или црн лак.
Хајнес 2
Филигрански лесни и со посветеност до ситни детали. За корекција на вид, инспирирани од внатрешноста на возилата Мајбах.
Меџик 3
Спој на елеганција со префинетост. Класична форма на стакла, лесен изглед и ексклузивни материјали. Ситни детали од титан, лого од бисер, достапни и за корекција и за сонце.
Хастлер 1
Динамична елеганција и единствен карактер. Класична навигатор-форма со нежна силуета и нагласен двоен мост. Јапонски ацетат со впечатливи комбинации од бои и длабински ефект.
Еџ 1
Маркантни, карактеристични и елегантни. Впечатлива силуета со лакови од рог, во три усогласени бои, со естетика на скулптура.
Артист 3
Мајсторско дело со безвременска енеганција. Класика меѓу очилата Мајбах, со филигранска конструкција без рамка и чисти форми.
Гардијан 1
Легендарна форма на пилотски очила од 1970-те, со префинета изработка и самоуверен изглед. Од јапонски ацетат, со делови од титан, дебели 4 милиметри.
Президент 2
Суверена елеганција и маркантни акценти. Лесни очила за сонце без рамка со впечатливи елементи и одбрани материјали. Рачно изработен дрвен лак, контраст мат-сјајно.
Вајпер 1
Со ретро изглед и чист луксуз. Дизајн од 1990-те со одбрани природни материјали. Рамка од рог, секој модел има различна шара.
Лојал 1
Чисти линии и цврст карактер. Класична правоаголна форма на очила за корекција на вид, со модерна елеганција. Јапонски ацетат со необични бои и прецизна изработка.
Идол 1
Екстраваганција со несекојдневен дизајн. Стакла со ромбовидна форма, без рамка, со необичен изглед и препознатливи обележја на Мајбах. Очила за сонце.
