Mercedes изработи специјални изведби од A-Class, B-Class, CLA и V-Class кои се водат под ознаката Edition 2020. Името е вешто одбрано и во него се крие голема симболика. Верно на „2020“, серијата е достапна со голема ценовна предност за купувачите.
Штутгарт продолжува со специјалните серии и во оваа историска 2020 година. Непосредно пред почетокот на летото, Mercedes ги нуди специјалните модели од серијата Edition 2020. Со голема ценовна предност, во оваа серија се достапни неколку моделски варијанти од семејството компакти на Mercedes, како и луксузниот ван V–Class.
Примероците од серијата Edition 2020 се опремени со пакетот AMG Line, кој вклучува специјален преден и заден спојлер, заедно со спуштено и спортски дотерано подвозје. Нагласок на изгледот става и „ноќниот пакет“, со ексклузивна дијамант-маска со ламели во црна боја и со издувна цевка што исто така е лакирана во сјајна црна боја. Во специјалната серија се вградени и диодни светла. За привлекување погледи се грижат и AMG-бандажите од 18 инчи со пет двојни краци. Кабината има амбиентално осветлување и избор од 64 бои за осветлувањето на отворите за проветрување, на вратите и арматурната табла.
https://photos.app.goo.gl/2ujBRG9bh8tmddfZ7
Edition 2020 е достапна за сите верзии на мотори во A- и B-Class, во славче-таневски-мерцедесите CLA Coupé и CLA Shooting Brake, вклучувајќи ги и новите плагин-хибридни верзии 250e. Понатаму може да се комбинира и со бизнис-пакетите, како и да се нарача дополнителна опема. Цената за пакетот Edition 2020 изнесува 4.748,10 евра, заедно со германскиот ДДВ од 19 проценти.
Во пакетот AMG Line спаѓаат:
- 45,7 cm (18″) AMG алу-бандажи со пет двојни краци
- Светла LED High Performance
- Ноќен пакет во збогатен обем
- Патосници со лого EDITION Logo
- Амбиентално осветлување
- Украсни елементи во алуминиум, брусени надолжно
Специјална серија и за „S-Class“ меѓу вановите
Мercedes лани ја освежи својата „лимузина“ меѓу вановите, со нов изглед на носот, со нов дизел OM 654 и со 9G-TRONIC, како и со нови ставки од опремата. Важен дел од освежувањето беше и системот MBUX, прочуениот систем што се одѕива на „Хеј, Мерцедес“. Специјалната серија Edition 2020 е достапна и за V-Class.
Во специјалниот пакет Edition 2020 за V-Class се вклучени:
- AMG Line
- Ноќен пакет
- LED Intelligent Light-System
Ценовникот за V-Class Edition 2020 за германскиот пазар стартува од 55.041,40 евра.
https://photos.app.goo.gl/gNmntxjgCDo4q1kaA
