За времето што беше потребно да се изработи првиот McLaren Senna од лего-коцки во природна големина, во Вокинг ќе се произведеа девет вистински автомобили. Ова е потешкиот начин да се дојде до примерок од хиперавтомобилот, кој се распродаден уште пред две години.
Светот го доби првиот лего-автомобил што е интерактивен. Тоа значи дека може да се седне зад воланот и да се притисне копчето за старт, по што се слуша грмењето на моторот – од звучниците. Седиштата, воланот и педалите се од вистинскиот автомобил. За изработката на McLaren Senna од лего-коцки беа потребни 5.000 часови и половина милион коцки.
Фановите на McLaren нема да се изненадат од тоа што лего-автомобилот со своите 1.700 килограми е половина тон потежок од вистинскиот болид, именуван по најголемата возачка легенда во формула 1, Аиртон Сена.
Вртоглави бројки: 467.854 коцки, 2725 часови за составување, вкупно 4935 часови работа вклучувајќи дизајнирање и конструирање, ангажирани 10 моделари, односно вкупно 42 лица од тимот на Lego
Данската фабрика за коцки што се повеќе од играчки веќе има богата соработка со McLaren. Пред две години беше изработена коцкаста верзија на McLaren 720S, но со близу 200.000 коцки помалку од „Senna“.
Нема податок колку би чинело дома да се изработи примерок од хиперлего-автомобилот, но за ориентација може да се земе дека китот од 219 парчиња, со коишто се составува две педи долг McLaren Senna, во продажба се нуди за околу 15 евра.
Необичната креација ќе се прикажува на важни настани, меѓу другото и на традиционалниот Фестивал на брзината во Гудвуд, во почетокот на јули.
https://www.instagram.com/p/BvePx9Rg2F1/
McLaren P1 за јубилејот од првата титула на Аиртон Сена
На McLaren 720S Spider покрив не му е потребен
McLaren Speedtail: Лордот од лентата за престигнување
Спектакл за испораката на првиот McLaren Senna