за

Пазарот на користени возила во Британија преполовен поради корона

Пазарот повторно бележи нагорен тренд кон крајот на кварталот, но експертите се резервирани дали трендот ќе се задржи, покрај економската неизвесност

Пазарот на користени возила во Британија преполовен поради корона
Пазарот на користени возила во Британија преполовен поради корона

Продажбата на користени автомобили во Велика Британија опаднала за 48,9% во второто тромесечје како последица од затворањето на плацевите, но кон крајот на кварталот повторно бележи раст. Најпродаван модел е Ford Fiesta, пред Volkswagen Golf и Ford Focus.

Само 1.039.303 користени возила се продадени на британскиоот пазар во периодот меѓу април и јуни, што е пад за 48,9 проценти во споредба со истиот период лани. Кон крајот на јуни, продажбата сепак продолжила да расте и разликата во споредба со ланскиот јуни изнесува само 17,5 проценти. Наспроти тоа, пазарот во април бил намален за три четвртини.

Експертите остануваат резервирани во предвидувањата дали трендот ќе се задржи. Закрепнувањето на пазарот е неизвесно покрај економската ситуација. Покрај тоа, мора соодветно да заживее и продажбата на нови автомобили, за пазарот на користени возила да се освежи.

По растот од 44,8% во продажбата на користени електрични возила во првиоот квартал, нивниот пазар се намалил за 29,7% во вториот квартал, на 2.288 возила. Приклучните хибриди исто се во -56,2% со 3.249 продадени возила. Бензинците и дизелите имаат пад од 49,2% односно 48,5% соодветно. Нивната продажба сепак сочинува 98,3% од вкупниот пазар, со 1.021.963 возила.

Најпродавани модели на пазарот на користени возила

Во Велика Британија, во второто тромесечје 2020

New photo by Automedia MK / Google Photos

Најпопуларни се градските модели (-52,4%), на кои отпаѓаат 30,5% од пазарот. Најмало опаѓање во продажбата има кај луксузните лимузини, чијшто пад изнесува 30,4 проценти.

Во првите шест месеци од 2020 година, бројот на продадени користени возила опаднал за -28.7%, со 2,89 милиони промени на сопственост.

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Skoda испраќа 250 возила на Тур де Франс

Skoda испраќа 250 возила на Тур де Франс

Toyota Avalon · Toyota им останува верна на лимузините на пазарот во САД

Toyota им останува верна на лимузините на пазарот во САД