за

Kia за 11% ја зголемила продажбата во септември

Светот сака големи автомобили од Kia, на глобалниот пазар е најпродаван Sportage, на домашниот пазар луксузниот Sorento. Помалите модели сепак не заостануваат премногу.

Јужнокорејската корпорација Kia во минатиот месец испорачала 249.146 возила на светскиот пазар, за 11,0% повеќе во споредба со септември лани.

СУВ-моделите ја предводат продажбата на Kia во септември, со Sportage и Seltos, како два најпродавани модели на марката. Sportage учествува со 42.168 продадени возила, пред Seltos со 28.847 примероци. Трет најпродаван модел на Kia во светски рамки е знаменосецот Sorento со продадени 20.122 примероци во септември.

На извозните пазари, Kia постигнала продажба од 209.137 возила, што е зголемување за 10,9 проценти во споредба со септември лани. Главни носители на продажбата и натаму се СУВ-моделите Sportage и Seltos SUV, соодветно со 37.727 примероци, односно 25.334 примероци. Продажбата напредува најмногу во САД, Азија и Пацификот, Индија, Средниот Исток и Африка, како и во Јужна и Централна Америка.

На домашниот пазар, Kia во септември испорачала 40.009 возила, за 11,8 проценти повеќе од истиот месец лани. Најпродаван модел на корејскиот пазар е луксузниот СУВ-модел Sorento, со 5.335 примероци, па дури по него следи светскиот Kia-бестселер Sportage, со продадени 4.441 примероци во Кореја.

Бизнисот на Kia се одвива мошне суверено во актуелното пазарно и политичко опкружување, со само 2 проценти намалена продажна од почетокот на годината. Секако дека и Kia се соочува со кризата што е предизвикана од недостиг од чипови за авто-производството, но тоа е повеќе предизвик за менаџментот, и очигледно е дека во компанијата добро се справуваат со тој предизвик.

Kia Sportage најпродаван модел во Македонија во јули – заедно со Fiat Tipo

Удел во растот на продажбата има новата генерација модели, меѓу кои електричниот кросовер EV6, којшто е носител на насловот на Европски Автомобил на 2022 година. Овој модел, исто како и останатите модели од EV-семејството, вклучувајќи го идниот луксузен СУВ на струја EV9, носат воедно и профитабилност. Kia паралелно воведува и услуги поврзани со мобилност, во насока на целта, клиентите да ја имаат Kia за прва адреса, за сите услуги поврзани со превоз. За продажба на автомобили, тоа се подразбира.

Корејска реклама за Kia Sorento со 4 милиони прегледи досега

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Со 620 КС: Најсилниот Audi со заден погон, R8 Coupé V10 GT RWD

Sixt купува 100.000 електрични возила од кинескиот BYD