Дарко Јаконов
Идните модели на Jaguar и Land Rover ќе користат лесна алуминиумска платформа, која воедно ќе овозможи и значително зголемување на моделската понуда.
Новата платформа за чиј развој ќе бидат потрошени 1,5 милијарда евра ќе се користи првенствено за проширување на моделската гама на Jaguar. За реализирањето на платформата дополнително се отвораат 1.700 нови работни места. Првата моделска серија што ќе биде базирана на лесната платформа ќе биде лимузината на Jaguar од средната класа, чија пазарна премиера се очекува во 2015 година. Нови се и моторите кои ќе излегуваат од новата фабрика вредна половина милион фунти.
Следен модел од новата генерација ќе биде спортскиот теренец, кого Британците го најавија со студијата CX-17 од Франкфурт. Со оваа студија воедно се прикажува флексибилноста на новата алуминиумска платформа, односно можноста таа да се користи за модели од сите класи и во сите каросериски форми.
