Како официјален автомобилски партнер за светското првенство во Бразил, Hyundai испорача 1.021 возило во Арена де Сао Пауло. Претходно и марката Kia снабди преку 400 возила.
Лимузините, спортските теренци и вановите на Hyundai ќе служат за беспрекорен и комфорен транспорт на службените лица на првенството, на националните тимови, членовите на организацискиот комитет, судиите и медиумските претставници. Во возниот парк влегуваат и 32-та тимски автобуси на националните тимови. Во рамките на кампањата „Бидете тука со Hyundai“ за секој од овие тимски автобуси беше избран соодветен слоган, за што пристигнаа предлози од љубителите на фудбалот од цел свет.
Преку 1.000 возачи се обучени за безбедно возење и запознаени се детално со сите локални патишта. Во логистичката поддршка се опфатени и дилерите од продажната мрежа на Hyundaiво Бразил. Корејците се долгогодишен партнер на FIFA и UEFA, а ангажманот како главен спонзор на турнирите на UEFA трае до 2016 година, односно до 2022 година со UEFA.
