За помалку од девет години од лансирањето на Logan на францускиот пазар, Dacia достигна продажба од 600.000 возила. Во април Dacia беше и четврта најпродавана марка за Французите.
Од почетокот на продажбата на Dacia Logan во јуни 2005 година, на францускиот пазар досега се пласирани 232.000 примероци од комбилимузината Sandero, 150.000 примероци од теренецот Duster, 100.000 примероци од мултинаменскиот Logan MCV и 57.000 примероци од компактната лимузина Logan.
Во 2013 година романската марка на Renaultсе најде на петтото место на продажба во Франција, а во оваа година се чини дека резултатот ќе биде уште подобар, имајќи ја во предвид априлската продажба, со четвртото место за Dacia. Покрај тоа, Sandero е автомобилот што најмногу го купуваат фирмите во Франција.