за

Хрватска има регистрирано повеќе од 5.000 електрични возила

Во 2014 година, Хрватска броела само 39 батериски електрични автомобили. Во минатата година, возниот парк достигнал дури 4.799 патнички автомобили на струја.

Батеријата на електричните автомобили се полни долго, на половина пат треба пак да се бара полнач за батеријата да се наполни, возилата се скапи, дизајнот им е лош, само спомнувањето на електричните автомобили предизвикува смеа и потсмев. Така е во нашава земја. На само петстотини километри воздушна линија оттука, електричните автомобили веќе се сериозна тема.

Земјава некогаш со време имаше поставено мрежа од полначи, коишто требаше да претставуваат основа за прифаќање на електромобилноста и да водат кон натамошно ширење. Постоеја и бројни иницијативи, од тукашни ограноци на светски организации што редовно одржуваа трибини, МАНУ беше консултирана за сето тоа да биде поткрепено со научна експертиза, постоеше и достојна организација за електромообилност, мошне активна со предавања, изложби, гостувања. Единствено се чекаше да проработи некаква државничка свест, да се вклучи и да го даде главниот поттик за земјата да се движи сигурно во насока на електромобилноста.

Porsche со нова милионска инвестиција во хрватскиот Rimac

Неколку полначи веќе се отстранети, градоначалниците негодуваат за местата на паркиралиштата што им се резервирани за електрични возила и бараат да се тргнат полначите, субвенции не само што не постојат, туку и продолжува увозот на отпад од европските „автоплацеви“, што е доволно да исполнува норма Еуро 4, со којашто одвај дека се третира емисијата на PM-честички, што на земјава ѝ донесоа светска слава во рекордите на загаденост.

Во Хрватска нештата се одвиваат многу поинаку. Струјата им е посилна. Од само 39 батериски електрични автомобили и 5 автомобили со приклучен хибриден погон регистрирани во 2014 година, нивниот број лани достигнал 4.799, односно 2.544 возила соодветно. На тоа доаѓаат уште 26.467 регистрирани патнички автомобили со хибриден погон. Има и 2.637 лесни товарни возила, обично фургони за достава, што користат чисто електричен погон или приклучен хибриден погон.

Статистиката за годинава го покрива само првиот месец, кога во Хрватска биле новорегистрирани 124 батериски електрични автомобили и уште 73 со приклучен хибриден погон.

Најчест избор на батериски електричен автомобил на хрватските возачки и возачи во 2022 година

RENAULT TWINGO BEV

126

TESLA MODEL 3

125

DACIA SPRING BEV

110

OPEL MOKKA-E BEV

91

TESLA MODEL Y

91

AUDI Q4 E-TRON BEV

89

RENAULT MEGANE BEV

57

SKODA ENYAQ BEV

50

VW ID.4 BEV

47

PEUGEOT E-208 BEV

44

Секако дека и мрежата од полначи се развива соодветно. Додека во 2020 година, постоеле само 262 обични електрични полначи и 236 брзи полначи (DC), нивниот број според последното броење во 2023 година достигнал 784 обични и 349 брзи полначи. За споредба, во земјава постојат околу четириесетина полначи, што во најголемиот број случаи се зафатени со ICE-возила.

Само во јануари 2023 година, во Хрватска биле регистрирани 114 нови батериски електрични автомобили и 73 со приклучен хибриден погон; Самополнечките хибриди се стандард, нивниот број е далеку повисок од BEV и PHEV

Пазарниот удел на батериските електрични автомобили во јануари изнесувал 3,39 проценти, на приклучните хибриди 2,17 проценти. Самополнечките хибриди „ала тојота“ веќе одамна имаат редовна динамика во продажбата во земјата и не се спомнуваат во статистиката за возила со „алтернативен погон“.

Број на брзи полначи во Хрватска

Категорија

Slow DC (P < 50kW)

Fast DC (50kW ≤ P <150kW)

Level 1 – Ultra-fast DC (150kW ≤ P < 350kW)

Level 2 – Ultra-fast DC (P ≥ 350kW)

2020

105

78

49

4

2021

53

158

55

6

2022

77

191

68

14

2023

71

195

69

14

Како Хрватска успеа да напредува во толкава мера во електромобилоста?

Тоа е сосем јасно, во Хрватска функционираат субвенциите за електрични автомобили. За батериски електрични автомобили, владата учествува со износ до 70.000 куни, што соодвествува на 9.300 евра. Овој поттик важи и за приватни купувачи и и за компании.

За приклучни хибриди со емисија на СО2 под 50 g/km, субвенцијата се движи до 40.000 куни (околу 5.300 евра), додека за електрични квадови, мотоцикли и скутери, следи државно учество во цената на возилото со најмногу 20.000 куни, или 2.650 евра. Се субвенцинира најмногу до 40% од вредноста на возилото.

Покрај тоа, електричните возила се ослободени од акциза, како и од еколошка такса.

Фондот за заштита на животната средина и за енергетска ефикасност, во минатото лето обезбеди 108,3 милиони куни, за на хрватските граѓани да им се овозможи полесно да набават електрично возило. Целата програма во меѓувреме заврши, средствата за субвенционирање се резервирани, се чека Фондот да објави нов конкурс. Така функционира нормалниот автомобилизам во нормалните средини.

Тука, дури и самополнелките хибриди (главно Toyota) останаа куси за ослободувањето од акциза што го уживаа десетина години, затоа што на групер-функционерите во 2019 година им се чинеше интересна бројката од продажбата, па логично дојдоа до заклучок дека штом хиубридите се продаваат толку добро, треба да им се стави данок како на сите остатати возила.

Mini ја вози првата електрична тура низ Македонија (Дел 1)

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota Prius доби награда за животно достигнување од Top Gear

Ferrari ќе ги набавува дисплеите од Samsung