Porsche учествува со двоцифрен милионски износ во новата инвестициска рунда во Rimac Group, вредна половина милијарда евра. Со тоа се зајакнува соработката меѓу германската спортска марка и хрватскиот производител на електрични хиперавтомобили.
Тоа што Porsche фигурира како партнер во хрватската Rimac Group, секако дека претставува своевидна гаранција за уште голем број компании да вложуваат во некогашниот гаражен стартап, а денес именит производител на електрични автомобили и напредна технологија за електричен погон.
Луц Мешке, шеф на Porsche AG и член на одборот за финансии и ИТ, одушевен е од тоа што „Rimac привлече нови и големи реномирани инвеститори“. Во компанијата имаат голем оптимизам за понатамошниот напредок на хрватската компанија. Porsche уште во 2018 година инвестираше првпат во Rimac. Оттогаш повеќепати се зголемуваше уделот на спортската марка. „Новите инвеститори ќе придонесат за Rimac да продолжи со јакнење на својата позиција во електромобилноста и со тоа да стане уште посилен партнер на Porsche,“ заклучува Мешке.
Новата рунда финансии ја предводи Softbank Vision Fund 2. Уште еден нов инвеститор од финансискиот сектор е Goldman Sachs Asset Management. Со новата трансакција, Porsche и натаму учествува со 20 проценти во Rimac Group. Основачот и извршен директор Мате Римац останува акционер со мнозински удел. „Имаме амбициозни планови за раст во следните години и горди сме на поддршката од важните нови и постоечки инвеститори, коишто веруваат во нашата визија“, изјави Римац.
Новите пари во Rimac Group ќе донесат проширување на производството за големосериски проекти. Само годинава, во хрватската компанија ќе се вработат уште 700 нови лица
Rimac Group е светски признат специјалист во подрачјето на електромобилноста. Посестринската компанија Rimac Technology е посветена во развој и производство на компоненти со висока ефикасност за електрични возила, односно главно батерии и електрични погонски оски. Голем број производители на автомобили се потпираат на технологијата на Rimac.
Во ноември 2021 година, Porsche и Rimac основаа заедничка компанија меѓу огранокот за хиперспортски автомобили Rimac Automobili и Bugatti Automobiles. Двете ексклузивни марки и натаму настапуваат независно на пазарот.
Nevera has won Best Performance Car at the @BBC_TopGear Electric Awards 2022. On behalf of the Rimac team that has worked relentlessly to perfect Nevera over the past few years, it’s a huge privilege to have it singled out amongst a very strong group as the best performance EV. pic.twitter.com/oSjVBtAI80
— Rimac Automobili (@AutomobiliRimac) April 6, 2022
