Само 999 примероци: Последниот Mercedes-AMG од генерацијата W213

Mercedes-Benz се поздравува со AMG-моделите преку серија возила во коишто се вградува сé што е достапно во фабрика. E 63 S 4MATIC+ Final Edition се нуди како лимузина и комби T-Modell. Моторот 4.0 V8 Biturbo располага со 612 КС, шприспособливиот погонна сите тркала има и опција за дрифт.

Возилата од серијата Final Edition се лакираат исклучиво во мат графит-сива боја од понудата на сопствената мануфактура magno. Кованите тркала од 20 инчи имаат вкрстени краци и аеродинамички се оптимирани. Посебен белег дава полирањето до висок сјак, со завршен проѕирен лак со висока сјајност, којшто е незначително тониран. На средишните столбови е поставен грбот на AMG, а има и фолија странично по кароеријата.

Дел од стандардната опрема е AMG Night Paket. Тоој содржи бројни каросериски додатоци во црна боја со висок сјај: Предниот сплитер, лајснитего праговите, украсите во предните крила, рамките на прозорците, куќиштето на ретровизорите и украсната лајсна во задниот браник, сите со печат AMG. Задните стакла се дополнително затемнети и со термоизолација. Два издувни завршетоци во форма на трапез и во боја на темен хром го заокружуваат настапот на специјалниот модел. Опција се двата карбонски пакети.

Најчитано

Овие модели на Volkswagen ретко кој ги знае

При отворање на вратите, на подлогата ефектно се проектира логото AMG со ЛЕД-светилки

Спортските седишта се од врвна класа, односно најскапите што ги нуди AMG. Сите местења се со помош на електромотор. Греењето се подразбира, исто како и изведбата на седиштата во благородна кожа, во мека телешка напа кожа, во титан-сива боја, со жолти штепови. Целата арматурна табла е обложена со напа кожа. Воланот AMG Performance е изработен со црна напа кожа и микрофибер Dinamica. Штеповите се жолти, во тон со седиштата.

Заедно со возилото се испорачува и гаражна церада AMG со натпис AMG E 63 S FINAL EDITION. Цената не е наведена. „Стандардната“ E 63 S во Мак Аутостар чини 155.990 евра. За специјалниот модел, веројатно може да се очекува двојка во почетокот на цената.