Ford со најдобар јули во Германија во последните 22 години

Јулската продажба на Ford на германскиот пазар го надмина рекордот стар 22 години. Добри се и бројките за вкупната продажба од почетокот на годината.

Продолжува одличната продажба на Ford на „вториот“ домашен пазар, германскиот. Во минатиот месец, Ford продал рекорден број возила по 1997 година, не сметајќи ги продажбите кои беа постигнати во 2009 година, во годината кога се исплаќаа субвенции за замена на старите возила со нови.

Во јули на најголемиот пазар на автомобили во Европа се продале 26.404 возила. Во споредба со истиот месец лани, тоа е зголемување од дури 26,8 проценти. Тоа се случува во услови кога германскиот пазар пораснал за 4,7 проценти во јули. Пазарниот удел на Ford во Германија во јули изнесувал 7,9 проценти, што пак е зголемување од 1,4 процент во споредба со 2018 година.

До јули, Ford продал вкупно 169.758 патнички возила на германскиот пазар, што е за 13.248 возила повеќе од исиот период лани и претставува раст од 8,5 проценти. Тоа е најдобра продажба за периодот јануари-јули од 2001 година наваму.

Меѓу моделите, најголем раст во продажбата имаат Ford Mustang (+86,6 проценти до јули), Ford EcoSport (+44,9 %) и Ford Tourneo Connect (+65,3 %).

Продажба на Ford на најголемите 20 пазари во Европа

(за првото полугодие 2019)