за

Ferrari има уште една Icona, во чест на трикратниот триумф во Дајтона

Најновиот суперавтомобил на Ferrari е изработен во чест на легендарните тркачки автомобили 330 P3/4 од 1960-те години. Daytona SP3 е дел од Icona-серијата.

Првиот модел од серијата Icona се појави пред повеќе од три години, во форма на едноседот Monza SP1. По него следеше SP2, негова верзија со две седишта. Трет модел во ексклузивната серија е Daytona SP3.

Ferrari Daytona SP3 ја доживеа својата премиера на традиционалната завршница на сезоната во мотоспорт на Scuderia Ferrari во Мугело. Тројката во ознаката има дополнително значење. Поводот за развојот на ексклузивната моделска серија е трикратниот триумф на 24 часа Дајтона. На трупата од Маранело, во февруари 1967 година ѝ успеа да ги освои сите три места на подиумот на класичната трка во Флорида, со 330 P3/4, 330 P4 и 412 P.

Ferrari 330 послужи како пример за Daytona SP3. Сцената посебно го велича овој спортски прототип, поради неговите успеси на трките, но и поради изгледот. Дизајнерите на спортски автомобили честопати се имаат повикувано на заоблените форми на Ferrari 330 P3/4.

Една од највпечатливите сличности со болидот од 1960-те е заоблениот ветробран. Daytona SP3 е спој меѓу „330“ и други легендарни болиди на Ferrari, меѓу кои се 512 S, 712 Can-Am и 312 P. Постојат сличности и во отстранливиот тарга-покрив и во ретровизорите што се поставени на предните крила. Истото важи и за предните светла, што со подвижниот поклопец потсеќаат на преклопливите светла кај историските модели. Назад свети лента по целата ширина на каросеријата.

New item by Automedia MK / Google Photos

Во дизајнот има силна инспирација од тркалките автомобили Ferrari 330 P3/4. Својствeно за Ferrari е тоа што формите на каросеријата не служат само за убавина, туку имаат и функција. Во крилестите врати се вградени канали што го спроведуваат воздухот до страничните отвори. Аеродинамиката е главна тема кај Ferrari Daytona SP3. Во подот се изведени канали што го вовлекуваат водухот со низок притисок.

Маранело соопштува дека Ferrari SP3 Daytona e „автомобил со најефикасна аеродинамичност што досега го има произведено Ferrari, без користење активни системи за аеродинамика“

За моторот се подразбира дека тоа е V12. Атмосферецот во основата потекнува од 812 Competizione. Моторот во Daytona SP3 не само што е поставен поблиску до задните тркала и со тоа е вграден речиси средишно, туку има и 10 КС повеќе од Competizione. Со 840 КС, тоа е најсилниот мотор што досега е произведен во Маранело. Максималниот вртежен момент од 697 њутнметри се постигнува при 9.500 вртежи во минута. Седумстепен менувач со двојна спојка ја испорачува моќносста до задните тркала. Спринтот до темпо сто трае 2,85 секунди. До двесте километри на час минуваат 7,4 секунди, а крајната брзина надминува 340 километри на час.

New item by Automedia MK / Google Photos

Подвозјето целосно е изработено од карбон, исто и каросеријата во голем дел се состои од композити. Тежината е сведена на 1.485 килограми. Посебен детал се седиштата што се интегрирани во шасијата, со што се постигнува речиси легната положба при возење – како во тркачки едносед во Формула 1.

Зад мултифункцискиот волан преку којшто се ракува со повеќето функции на Daytona се наоѓа дисплеј од 16 инчи. Материјалите во кокпитот се карбон, кожа, алкантара

New item by Automedia MK / Google Photos

За третиот модел од серијата Icona се изработуваат специјални гуми Pirelli P Zero Corsa, со димензија 265/30 ZR20 напред и 345/30 ZR21 назад. Сопирачките дискови исто имаат XXL-големина: Предните 398 mm (тоа е повеќе од тркала од 15 инчи), задните 380 mm.

Нема информации кога ќе стартува производството на Ferrari Daytona SP3, колку ќе чини автомобилот и колку примероци ќе брои лимитираната серија. Тоа може да биде сосем неважно, затоа што извесно е дека серијата веќе е распродадена.

Во продолжение содржината од целосниот лист со технички податоци од Ferrari

> Daytona SP3 – TECHNICAL SPECIFICATIONS

POWERTRAIN

Type                                                                    V12 – 65°

Total displacement                                     6496 cc

Bore and stroke                                           94 mm x 78 mm

Max. power output*                                   618 kW (840 cv) at 9250 rpm

Max. torque*                                                   697 Nm at 7250 rpm

Max. revs                                                         9500 rpm

Compression ratio                                     13.6:1

 

DIMENSIONS AND WEIGHT

Length                                                              4686 mm

Width                                                                2050 mm

Height                                                                1142 mm

Wheelbase                                                     2651 mm

Front track                                                     1692 mm

Rear track                                                      1631 mm

Dry weight**                                                   1485 kg

Dry weight/power ratio **                     1.77 kg/cv

Weight distribution                                    44% front / 56% rear

Fuel tank                                                           86 litres

 

TYRES AND WHEELS

Front                                                                  265/30 ZR 20 J9.0

Rear                                                                    345/30 ZR 21 J12.5

 

BRAKES

Front                                                                  398 x 223 x 36 mm

Rear                                                                    380 x 253 x 34 mm

 

TRANSMISSION AND GEARBOX

F1 dual-clutch gearbox, seven speed

 

ELECTRONIC VEHICLE CONTROLS

ESC; high performance ABS e/EBD; F1-Trac; e-Diff 3.0; SCM-Frs; SSC (Side Slip Control) 6.1

 

PERFORMANCE

Maximum speed                                         >340 km/h

0-100 km/h                                                    2.85 s

0-200 km/h                                                    7.4 s

 

FUEL CONSUMPTION AND CO2EMISSIONS

Under homologation

* Engine power expressed in kW in line with International System of Units (SI) and in cv. With 98-octane petrol and including 5 cv of dynamic ram effect

** with optional lightweight content

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Great Wall Motor се одомаќини во Минхен

Toyota неприкосовено до нови титули во светското рели