Дарко Јаконов
Кај автомобилите од оваа тјунерска работилница зборуваат бројките: 800 КС, ковани бандажи од 23 инчи, крајна брзина од 240 километри на час.
Brabus има нова ѕвезда меѓу своите „суперавтомобили“. Светска премиера на салонот во Женева има Brabus 800 Widestar, преработка врз основа на G 63 AMG. Моторот е веќе класичниот четирилитарски V8 со битурбо натполнење, но и некласични 800 КС и 1.000 њутнметри.
Тоа резултира со вредности кои се сосем неочекувани од еден теренец. Спринтот до сто трае 4,1 секунди, а крајната брзина е ограничена на 240 km/h. Посебно внимание привлекуваат проширената каросерија и кованите бандажи од 23 инчи. Секако дека внатрешноста изгледа исто толку моќно.
Моќноста од 800 КС при 6.600 вртежи во минута е постигната со сопствени турбокомпресори на Brabus, со максимален притисок од 1,6 бар. Врвот на мајсторството на прочуената тјунерска работилница од германскиот Ботроп е гаранцијата до 3 години или 100.000 километри.
Mercedes-AMG се збогува со шестлитарскиот V12 во S-Class
Mercedes-AMG GLE 53 со мала напомена: Благ хибрид
Mercedes прави игралиште за G-Class во Австрија
Mercedes GLS со приколка за кампување во багажникот
