Mercedes-AMG ја крунисува историјата на 6,0-литарскиот мотор V12 од S-Class со специјалната серија S 65 Final Edition. Лимузината ќе се изработи во само 130 примероци и наменета е за колекционери и љубители на дванаесетцилиндарци. Опремата и завршната изработка се на ниво на мануфактура.
Mercedes-AMG S 65 Final Edition е изработена единствено во високосјајна обсидијан-црна боја на каросеријата, со специјални бандажи од 20 инчи и со решетки на отворите за воздух во посебна бронзена боја. Самоуверениот настап го заокружуваат издувни цевки во црна боја, полирани до висок сјај.
https://photos.app.goo.gl/EVbBZcZgtRcuZdz97
Внатрешноста е обложена со ексклузивна и супермека напа-кожа во црна боја, со штепови во бронзена боја и со украсни делови од карбон, низ кои исто така се провлечени влакна во бронзена боја.
Како што доликува на ексклузивна серија, на средишната конзола е поставена плочка „1 од 130“, со соодветниот сериски број на моделот. Фамозната плочка со името на мајсторот што го склопил моторот, место во сребрена боја, кај Final Edition е посебно изработена во црна боја.
Топ-изведбата на 6,0-литарскиот битурбо V12 располага со 630 КС и вртежен момент од точно 1.000 њутнметри од 2.300 до 4.300 вртежи
https://photos.app.goo.gl/6EsyYi8vZyLoTETk7
Во опременоста не смее нешто да недостига: Панорамски покрив, две фотелји назад, бизнис конзола со разладувани држачи за чаша. Во седиштата се вградени до 12 електромотори, кои го дотеруваат седиштето точно според телото. Стандардно следи и „возачки пакет“, со кого крајната брзина се поместува на 300 km/h. Ова е сепак AMG.
Mercedes-AMG GLE 53 со мала напомена: Благ хибрид
Mercedes прави игралиште за G-Class во Австрија
Mercedes GLS со приколка за кампување во багажникот
Безбедноста осум децении е врвна наука во Mercedes
