за

R 18 Dragster: Тука сé му е препуштено на моторот на BMW

Мото-огранокот на BMW во април го претстави R 18 како свој прв крузер, а како што доликува за секој вистински крузер, тој мораше да добие и кастом-верзија

BMW R 18 Dragster
BMW R 18 Dragster

Една од најголемите дизајнерски ѕвезди на сцената на кастом-мотоциклите, Роланд Сендс, доби задача од производителот да го почести BMW E 18 со преработка што покажува дека во првиот крузер на Баварците лежи голем потенцијал за работа. Уникатот се води како BMW R 18 Dragster и прави да е многу очигледно дека креативноста на Сендс не познава граници.

Инспирацијата за преправката пристига од личното минато на Роланд Сендс. „Кај моторот што толку нагласено е во центарот на мотоциклот, веднаш помислив на мусклулестите автомобили. Мојата фамилија отсекогаш имала страст за брзото возење, а мојот татко беше драгстер-тркач.“ Со таква идеја, дизајнерот го задржал само најосновното и го модифицирал мотоциклот да вози брзо на прав пат.

BMW Motorrad во април го претстави R 18 како свој прв крузер. Традицијата на марката е присутна во полн обем и во овој модел, како во техниката, така и во изгледот. Голем дел од инспирацијата доаѓа од BMW R 5. Боксер-моторот е нагласен како епицентар на возачкото уживање.

Двоцилиндарскиот боксер во R 18 е комплетно нов и најверно ја продолжува традицијата на воздушно ладените машини што се грижат за посебно доживување уште од 1923 година.

Најголеми предизвици за Сендс биле сокривањето на електрониката, воведувањето нитро и преправката на системот за старт. За комплетната преработка биле потребни три и пол месеци, вклучувајќи и проба на тркачка патека.

New photo by Automedia MK / Google Photos
New photo by Automedia MK / Google Photos
Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volkswagen започна со обука на салонскиот персонал за ID3

Volkswagen започна со обука на салонскиот персонал за ID.3

renault MORPHOZ

Новиот шеф на Renault ги става сите карти на идниот Megane