Во фабриката во Лајпцих денес започна производството на првиот ван и првиот воопшто модел со преден погон на BMW. Во фабриката досега се инвестирани преку 2 милијарди евра.
Фабриката на BMW во Лајпцих денес започна со сериско производство на серијата 2 Active Tourer. Високата приспособливост на фабриката озовможува новиот модел да се произведува на иста лента со останатите модели од сериите 1 и 2, како и со кросоверот X1. Во лакирницата и во монтажата се потребни само мали модификации за производството да се префрлува на ванот од серијата 1. Поради различната архитектура на возилото и предниот погон, единствено каросеријата се изработува на посебна линија.
Серијата 2 Active Tourer е прв модел на BMW со преден погон и прв модел во сегментот на ванови. Новиот модел ќе овозможи поцелосно искористување на капацитетот на фабриката и отворање нови работни места. Од 2.600 лица во 2011 година, денес фабриката вработува дури 4.000 лица.