190
24 shares, 190 points

Ирска годинава доби највисок индекс за нивото на сообраќајната безбедност во европски рамки. Европскиот совет за безбедност во транспортот секоја година ја одликува земјата што постигнала најголем напредок во подобрувањето на безбедноста во сообраќајот, вклучувајќи стратешки пристап за надминување на проблемите околу безбедноста.

Ирска има втор најбезбеден сообраќај од земјите членки на ЕУ во 2018 година, во поглед на бројот на загинати на еден милион жители. За осум години, земјата напредуваше за пет места. Во споредба со 2010 година, бројот на загинати лица е смален за 30 проценти. Во истиот период, повеќето држави за коишто се сметаше дека имаат висока безбедност во сообраќајот, забележија зголемување на смртноста по патиштата. Таков е случајот со Шведска или Холандија.

Во последните неколку години беа преземени стратешки мерки за спречување на брзото возење, како и возењето под дејство на алкохол. Според Советот, Ирска треба да продолжи во подобрувањето на безбедноста на велосипедистите. Доколку сите држави во ЕУ ги преземат мерките за подобрување на безбедноста од Ирска, тогаш бројот на загинати во Европа би се намалил за 40%.

Бројот на загинати во ЕУ и натаму е на високо ниво, со 500 загинати секоја недела, што е исто како секоја недела да се уриваат по три авиони Boeing 737.

Индексот на смртност во сообраќајот во Македонија за 2018 година изнесува околу 63

Според државната статистика, во Македонија во 2018 година имало 133 загинати лица во сообраќајни незгоди. Тоа дава индекс на смртност во сообраќајот 63,3. Тоа е бројот на загинати на еден милион жители. Според овој индекс, во споредба со вредностите на членките во ЕУ и останатите европски држави, Македонија недвојбено се вбројува меѓу земјите со најопасен сообраќај.

Романија е „водечка“ во бројот на загинати, но и останатите блиски и соседни држави имаат висок индекс на смртност. За споредба, бројот на загинати на еден милион жители во Норвешка е близу петпати понизок отколку во Романија или Бугарија.

New photo by Automedia MK / Google Photos

Безбедноста осум децении е врвна наука во Mercedes

Volkswagen тестира Golf без возач по улиците на Хамбург

Безбедното растојание при возење не смее да се потценува


Ти се допаѓа? Сподели со пријателите!

190
24 shares, 190 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *