Acer го претстави првиот хромбук со дисплеј од 15,6 инчи во Full HD со процесор од Intel. Во меѓувреме, хромбук ги предводи продажните статистики во САД.
Се зголемува понудата од хромбук производи. Досега се нудеа првенствено уреди со помал дисплеј и тромав процесор, но производителите на хромбук веќе почнуваат со поголеми ноутбуци со оперативниот систем Chrome OS на Google. Производителот Acer, којшто е број 2 на пазарот на хромбук зад Samsung, по својот прв Chromebook 13 со дисплеј од 13,3 инчи во Full HD и Nvidia Tegra (CB5-311), сега го претстави новиот уред со дисплеј од 15,6 инчи, којшто е прв хромбук со оваа големина.
Acer Chromebook 15 (CB5-571) ќе се продава со повеќе степени на опременост. Варијантата со Full HD нуди 1920х1080 пиксели, а алтернативно се нуди стандардниот модел со 1366х768 пиксели. Од процесорите стојат на располагање Intel Celeron и Core i3, за RAM се можни 2 и 4 GB, додека меморијата SSD изнесува 16 или 32 гигабајти. Chromebook 15 има големо поле за ракување и два звучника покрај тастатурата. Цените во САД ќе стартуваат од 250 долари.
Хромбук ужива голема популарност во САД. Трите најпродавани компјутери на amazon.com за време на католичкиот божик беа хромбукови: Acer C720 со дисплеј од 11,6 инчи, Asus Chromebook 13 und HP 11-2010 со дисплеј од 11,6 инчи. Во американските училишта денес повеќе се користи хромбук отколку iPad.
