Дарко Јаконов
Швајцарецот Фреди Ур помина 200.000 километри за четири години со неговиот Victory Vision Tour. Тоа растојание е исто како петпати да се обиколи светот.
Фреди има направено повеќе маратонски тури во неговите 200.000 километри со Victory Vision, како на пример од турската Анкара до шкотскиот Џон О’Гроутс, потоа 14.000 километри по целата територија на Франција, ги има извозено и британските острови, како и иберискиот полуостров. На тоа се надоврзуваат и многубројните тури по швајцарските планини.
Единствена интервенција во мотоциклот беше замена на лежиштата на тркалата на 137.000 километри. Пред да замине на неговата тура од соништата, обиколка на целиот Медитеран, Швајцарецот ќе мора да направи куса пауза. Мотоциклот на Фреди Ур ќе биде изложен на штандот на американската марка на салонот во Келн, којшто почнува во следниот вторник.
