за

Бизнис-идеја од Исланд: Изработи мини-приколки и изнајмувај

Исланд камп приколка изнајмување

Исланд е посакувано одредиште за кампери и авантуристи. Проблем е скапиот траект, што обесхрабрува многумина да се упатат со сопствено камп-возило. Некој дојде на идеја да изнајмува камп-приколки. Куса приказна за една одлично реализираната бизнис идеја.

Пред три години, Колбеин Бјорнсон и Олафур Сверисон основаат заедничка компанија во Исланд. Планот е на туристите да им се понуди можност за кампување во единствената природа на вулканскиот остров. Резултатот е Mink Camper, комплетно опремена мини приколка со профил во форма на солза. Може да се изнајми само приколка, или приколка и возило со погон на сите тркала.

New photo by Automedia MK / Google Photos

Mink располага со простор за две возрасни лица и дете. Лежајот е со димензии 140 х 200 сантиметри, а попречно над него се наоѓа детски кревет, со димензии 52 х 140 сантиметри. Врата со прозорец се наоѓа од секоја страна, а дополнително има и голем панорамски покрив.

Приколката се добива со постелнина и перници, греење во место, штедливо диодно осветлување и озвучување Bose. Под задниот капак се наоѓа кујна со шпорет на гас, ладилник, резервоар за питка вода, прибор за јадење и чинии.

Изнајмување приколка за пет денови на Исланд чини 595 евра; комбинација со Fiat 500X ја качува цената на 1.145 евра, а за авантуристи кои сакаат да уживаат и во луксуз стои на располагање Land Rover Discovery, при што цената достигнува 1.745 евра

Приколката е долга 4,12 метри и широка 2,10 метри, со кабина долга 2,81 метри и широка 1,51 метар. Најмалото растојание од подлогата изнесува 30 сантиметри, што е пристојна вредност при влечење по терен.

Освен во Исланд, Mink Camper се изнајмува и во Германија, Романија, Норвешка, Шведска и Шкотска. За неколку недели треба да започне и продажбата за приватни клиенти.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Најскапа земја за кампување годинава е Италија

Mercedes GLS со приколка за кампување во багажникот

Приколка за кампување што се претвора во јахта

Данска фирма 50 години произведува шаторски приколки

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

volkswagen id. r нирбургринг

Ромен Дума: „Електричниот Volkswagen ID R е побрз во свијоци од GT-болид“

Ford вложува 500 милиони $ во пикапот на батерии на Rivian