Дизајнерско биро од Кина го прецрта VW Taigun и го патентираше дизајнот. Сега се бара производител за возилото. Можно е копијата да се појави на пазарот пред оригиналот.
Штотуку ќе помислевме дека Кинезите се збогуваа со старата навика да ги копираат моделите на големите производители, доаѓа случајот со фирмата Jiangsu Lake Motors (JLM) и со нејзината дрска копија на идниот мини теренец Volkswagen Taigun. JLM не е ниту производител на автомобили, туку е студио што развива автомобилски дизајн и потоа истиот го продава. Како резултат од нивната последна креативна работа доаѓа модел кој е речиси стопроцентна копија на Taigun.
Дизајнот е веќе патентиран во Кина и следно се бара производител што ќе го реализира возилото во серија. Можно е копијата да стартува со продажба пред оригиналниот Taigun, кого што Volkswagen го планира дури за 2016 година.
