за

Бразилец го претвора автомобилскиот отпад во улична уметност

На улиците на Сао Пауло има многу автомобили што се оставени да пропаѓаат. Фелипе Карели најде начин како непријатната глетка да ја претвори во уметност.

Во Бразил, поточно во Сао Пауло, очигледно е дека сопствениците на автомобилите што се оставени да се распаѓаат по улиците не посегнуваат по калашникови и слични мирнодобски орудија веднаш кога некој намерник ќе пројави интерес за нивниот крш. Автомобилите остануваат на улица сé додека целосно не се распаднат или кородираат. Просторот за паркирање не е проблем. Затоа, пак, проблем се овие неугледни автомобилски кршови што ја нагрдуваат сликата. Среќа е што таму постојат луѓе како Фелипе Карели, кој што ги претвора овие автомобили во улична уметност.

На својата интернет страница, Бразилецот го пренесува сведоштвото за тоа како неподвижните автомобили преку ноќ стануваат крш: „Еднаш бездомници преноќија во автомобилот. Локалните жители стравуваа дека бездомништвото и криминалот се тесно поврзани и го запалија автомобилот. Изгорен, тој повеќе не можеше да се користи како преноќувалиште, но затоа заврши како канта за отпад.“
Тоа беше повод Фелипе Карели да ја основа групата „Окупе Карињо“ – или зафатено автомобилче – заедно со пријателите Тобиас Родил и Тиаго Карваљес. Задача на групата беше овие автомобили да се претвораат во малечки градини и на минувачите да им се понуди пријатна глетка.

streetart8

streetart7

streetart6

streetart5

streetart4

streetart3

streetart1

streetart9

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Ford Fiesta е најпродаван малечок автомобил во првото полугодие

Неуништливите: Воени возила за приватна борба со улиците