Рекордно производство во годината пред БМВ да одбележи 40-годишнина од пуштањето во работа на фабриката во Регенсбург. Не само одбележување, туку и повод за прослава во вистинска смисла.

Растот во производството што лани беше постигнат тука, помогна за БМВ во своите фабрики во Германија да надмине продукција од 1 милион автомобили. Регенсбург ѝ припаѓа на Баварија и се наоѓа на оддалеченост од околу 120 километри североисточно од Минхен, од седиштето на БМВ.

Од почетокот на 2025, готовите возила се пренесуваат автоматски до позицијата за товарење, штом ја напуштат монтажната лента

Скусувањето на трошоците е еден од главните предизвици со коишто се соочува браншата во овие години по бројни нарушувања, по пандемијата, чип-кризата, притисокот од Кина, царините на Трамп. БМВ си сработи сé навреме и јави дека од 2019 година наваму ги има скусено трошоците за преку четвртина.

Во Регенсбург работи најпродуктивната фабрика на групацијата БМВ во Европа. Лани е постигнато рекордно производство, со преку 350.000 возила.

За да се постигне таа заштеда, помогна и дигитализацијата. Денес во фабриката се користи АИ за автоматската обработка во лакирницата, за контрола на квалитет и организирање на доставата на делови до погоните.

Лани се произведени преку 150.000 возила со електрифициран погон

Од Регенсбург лани излегле преку 150.000 возила со целосно електричен или приклучен хибриден погон. Најмногу се произведувал Икс 1, со преку 266.000 возила, по него Икс 2 со над 90.000 возила. За домашниот пазар останале околу 55.000 возила, сé останато е заминато за извоз. На прекуокеански бродови биле качени над 100.000 возила.

На 57 секунди излегува по еден готов БМВ

Дневната продукција на Икс 1 и Икс 2 во моментов надминува 1.400 возила. Од истата лента заминуваат и бензинци и хибриди и целосно електрични верзии. БМВ во Регенсбург и Вакерсдорф вработува околу 9.000 лица.

Кои модели се произведуваат и се произведувале во фабриката на БМВ во Регенсбург