Седум производители на автомобили се натпреваруваат во новата сезона во трки во издржливост, во највисоката класа на хиперавтомобили. За титула во првенството што е крунисано со 24 часа Леман ќе се бори Peugeot 9X8.
На 17-ти март, со трката во Себринг, почнува 11-та сезона во светското првенство во трки во издржливост (FIA WEC) за тимот Peugeot TotalEnergies. Тоа ќе биде прво возење на Peugeot 9X8 на американска почва и на историски значајната патека во Себринг.
Со искуствата од трите трки во 2022 година, како и од зимските тестирања во коишто беа поминати 10.000 километри, Peugeot 9X8 доживеа бројни технички усовршувања, а издржливоста исто така е подобрена.
Жан-Марк Фино, виш потпретседател за мотоспорт на Stellantis, порачува: „Поминавме многу километри, да ја подобриме моќноста на возилото и да ја потврдиме неговата издржливост. Тимот е подготвен и се радуваме што сега ќе стартуваме во сезоната. Навистина сме горди што сме дел од првенството и настапуваме против големи производители и имиња во спортот на долги патеки.“
Сезонава има силна конкуренција, затоа што некои од најголемите производители на автомобили во светот настапуваат во класата на хиперавтомобили за леман. Вкупно се натпреваруваат 13 возила:
#2 CADILLAC V-SERIES.R CADILLAC RACING
#3 CADILLAC V-SERIES.R CADILLAC RACING
#4 VANWALL VANDERVELL 680 FLOYD VANWALL RACING TEAM
#5 PORSCHE 963 PORSCHE PENSKE MOTORSPORT
#6 PORSCHE 963 PORSCHE PENSKE MOTORSPORT
#7 TOYOTA GR010 HYBRID TOYOTA GAZOO RACING
#8 TOYOTA GR010 HYBRID TOYOTA GAZOO RACING
#38 PORSCHE 963 HERTZ TEAM JOTA
#50 FERRARI 499P FERRARI AF CORSE
#51 FERRARI 499P FERRARI AF CORSE
#75 PORSCHE 963 PORSCHE PENSKE MOTORSPORT
#93 PEUGEOT 9X8 PEUGEOT TOTALENERGIES
#94 PEUGEOT 9X8 PEUGEOT TOTALENERGIES
#311 CADILLAC V-SERIES.R ACTION EXPRESS RACING
#708 GLICKENHAUS 007 GLICKENHAUS RACING
#709 GLICKENHAUS 007 GLICKENHAUS RACING
Воведната трка пред самиот почеток на сезоната ќе се вози исто така на Флорида, на 11-ти и 12-ти март. Тестирањето ќе им овозможи на возачите и на тимовите да ги запознаат посебностите на патеката. Тимовите на хиперавтообилите Peugeot 9X8 со стартен број #93 и #94 ќе се соочат со големи предизвици: „Сезоната во Флорида почнува веднаш по зимата и тоа е голема можност. Нерамната патека е мошне предизвикувачка за подвозјето и за погонската спрега. Иако трае покусо, беспрекорно извозена трка во Себринг е еден од главните предуслови за да се надеваме на висок пласман на 24 часа Леман,“ коментира Оливие жансони, технички директор на Peugeot Sport.
Тимот ужива поддршка од ценети партнери, меѓу кои се издвојуваат: TotalEnergies, Capgemini, Yahoo, Marelli, Établissement Peugeot Frères, Sparco и Jack and Jones.
Екипажот на двата хиперавтомобили Peugeot 9X8 останува непроменет: Пол Ди Реста, Микел Џенсен и Жан Ерик Верн зад воланот на #93 Peugeot 9X8 и Лоа Дувал, Густаво Менезес и Нико Милер во #94 Peugeot 9X8.
