Toyota гризе сé поголем дел од европскиот колач

Во периодот од јануари до септември, Toyota продала 864.904 возила во Европа, што одговара на 6,7 проценти од пазарот. Тоа е уште еден во низата рекорди на јапонскиот производител, што не случајно се поклопува со воведувањето на TNGA-платформите за новите генерации модели.

На европските возачки и возачи им се допаѓа да возат кола што е издржлива и долготрајна, што е достапна и лесна е за одржување, па уште изгледа згодно и забавна е за возење. Последните две особини не беа секогаш својствени за Toyota, но пристигнаа заедно со воведувањето на TNGA-архитектурата за новите генерации модели, и истите оттогаш се неразделни од секоја Toyota.

Самата хибридна погонска технологија, што и натаму е специјалитет на Toyota, како да одигра помала улога за напредувањето на марката на европскиот пазар (и на сите други), отколку што имаа улога емоциите што во возилата на Toyota беа внесени преку платформите засновани врз архитектурата TNGA. Хибридниот погон, патем, уште се продава солидно во време кога целата сцена гледа во електричните и приклучните хибридни автомобили. Реално, хибридите на Toyota се повеќебројни од електричните и приклучните хибриди заедно.

Има и конкретни бројки. Од јануари до крајот на септември, Toyota Motor Europe прокнижила 864.904 продажби на возила на Toyota и Lexus. Тоа е за 21% повеќе отколку лани, па и за 3% повеќе отколку во „здравата“ 2019 година. Додека целиот пазар е во пад, Toyota расте, па соодветно и нејзиниот пазарен удел се искачи на рекордни 6,7 проценти. Во споредба со лани, тоа се 0,6 процентни бодови плус.

Секако дека хибридите пак се главни, со раст од 36% во нивната продажба за девет месеци. Уште повеќе одушевува уделот на хибридите во продажбата на самата Toyota: Дури 59 проценти годинава. Toyota е втора најпродавана марка патнички автомобили во Европа, со пазарен удел од 6,4 проценти, за 0,7 процентни бодови повеќе отколку во истиот период лани.

Овие резултати сведочат за моќен раст. Продолживме да ја збогатуваме нашата понуда од електрифицирани модели со ниска емисија, со лансирањето на Yaris Cross Hybrid и Lexus NX Hybrid и Plug-in Hybrid. Нашите нарачки остануваат на рекордно ниво, но не сме отпорни на прекините во снабдувањето со коишто се соочува светската автомобилска индустрија, и нашиот предизвик е да се трудиме да излеземе во пресрет на побарувачката за нашите производи, за којашто знаеме дека е на високо ниво.

Мат Херисон, претседател и извршен директор на Toyota Motor Europe

Како се одвиваше продажбата на марките на јапонскиот концерн

Toyota ја зголеми продажбата за +21% на 805.181 возила во периодот јануари–септември 2021, со пазарен удел од 6,4%, (+0,7%) во делот на патничките автомобили. Најпродавани модели се Yaris, Corolla и RAV4, на коишто отпаѓаат 57% од вкупната продажба. Хибридите учествуваат со 78 проценти. Продажбата на моделите со хибриден погон напредувала за 38% во споредба со првите девет месеци лани, на вкупно 470.712 возила, што одговара на 59% од вкупната продажба на марката.

Lexus до септември продаде 59.723 возила, што е за 17% повеќе во споредба со истиот период лани. Богата понуда од СУВ модели, со RX, NX, UX, GX и LX, учествува со 86% проценти во вкупната продажба на возила. Хибридите учествуваат со 60% меѓу СУВ-моделите. Најкголем раст имаат постигнато LC (+113%), LS (+41%) и UX (+40%). Во гамата на UX се нуди и чисто електрична изведба UX 300e. Моментно пристигаат примероците од новиот NX, во хибридна и приклучна хибридна изведба.

Клучните бројки за Toyota Motor Europe од јануари до септември 2021:

• Вкупна продажба: 864,904 (+21% во споредба со лани)
• Пазарен удел: 6.7% (+0.6%)
• Вкупно хибриди: 507,987 (+36%)
• Удел на хибриди: Западна Европа: 70% – Источна Европа (Русија, Казахстан, Кавказ, Украина, Турција и Израел: 28% – Вкупно: 59%

Клучните бројки за Toyota од јануари до септември 2021:

• Продажба на Toyota: 805,181 (+21% во споредба со лани)
• Најпродавани модели: гамата на Corolla (163,872); Yaris (162,078); RAV4 (130,630)
• Најпродавани хибриди: Yaris Hybrid (130,986); Corolla Hybrid гама (129,895); Toyota C-HR Hybrid (91,454)
• Вкупно хибриди: 470,712 (+38%)
• Удел на хибриди: Западна Европа: 69% – Источна Европа: 28% – Вкупно: 58%

Клучните бројки за Lexus од јануари до септември 2021:

• Продажба на Lexus: 59,723 (+17% во споредба со лани)
• Најпродавани модели: NX(16,931); UX (16,839); RX (14,431)
• Најпродавани хибриди: UX Hybrid (14,394); NX Hybrid (12,090); RX Hybrid (4,713)
• Вкупна продажба на хибриди: 37,266 (+14%)
• Удел на хибриди: Западна Европа: 93% – Источна Европа: 8% – Вкупно: 62%

Продажба по модели во периодот од јануари до септември 2021: