Германската Железница од следната година ќе почне да користи супердолги композиции со место за повеќе од 900 патници. Медиумите во земјата спомнуваат должина од 374 метри, односно вкупно 13 вагони и место за 918 патници. Тоа ќе биде рекорд во историјата на компанијата.
Новите возови ќе почнат да се користат во средината на јуни 2021 година, на делницата од пристанишниот град Хамбург до Коар во Швајцарија. Од септември, возовите ќе бидат пуштени на релација од Северна Рајна Вестфалија до Минхен.
Железницата планира да користи 50 вакви возови, што постигнуваат брзини до 265 километри на час. Проблем е тоа што возот ќе може да запира само на станици што се долги најмалку 410 метри.
Од 2017 година, Дојче Бан го користи возот од генерацијата ICE 4 во редовна линија, особено на најпрометните релации. Овие возови имаат дванаесет вагони, долги се 346 метри, а капацитетот им е за 830 патници.
Компанијата моментно располага со 303 возови, од кои најмногу се од генерацијата ICE 3, со 82 возови. Планот е до 2026 година, бројот да се зголеми на 421 возови, со вкупно 220.000 места.
>>> Шефот на германската железница нема кола и не лета
