Јапонската автомобилска сцена се подготвува за Салонот во Токио, кон крајот на октомври. Toyota внесува дополнителна содржина со одржувањето на фестивалот на олдтајмери, кој годинава ќе го доживее своето 30-то издание. Меѓу бројните класичари, по улиците ќе возат и историски модели на Toyota, вклучувајќи ги ексклузивниот AB Phaeton и „бондовскиот“ 2000GT.
Историјата ќе заживее повторно по улиците за време на 30-от фестивал на олдтајмери во Јапонија, како традиционален настан во организација на Toyota. Јангтајмери и олдтајмери ќе учествуваат во уличниот спектакл, кој се одржува на 27-ми октомври во Нагакуте, во префектурата Аичи.
Во рамките на фестивалот се одржуваат најразновидни настани. Главниот спектакл за публиката е возењето на историските автомобили по рута долга 14 километри, којашто е поставена за сите да можат да ги видат возилата. Околу 150 возила во приватна сопственост ќе возат по хронолошки редослед (ова сепак е Јапонија, сé мора да е во совршен ред и поредок), поаѓајќи од музејот на Toyota, преку Кагакуте, кон меморијалниот парк во Аичи, како крајно одредиште.
Посебен настан е „Автомобилите што ги претставуваат вековите“, со автомобилски икони од сите ери. Покрај модели од други марки, како Baker Electric од 1902 година или Franklin Series 9-B од 1919 година, тука ќе учествува и вечно актуелната Toyota 2000GT од 1969 година, заедно со неколку модерни класичари, како Toyota Prius од 1997 година и Lexus LFA од 2010 година. Од најдалечната историја на марката доаѓа Toyota Model AB Phaeton од 1938 година.
Toyota Model AB Phaeton (1938)
https://blog.toyota.co.uk/toyota-model-ab-phaeton
Toyota Model AB Phaeton е отворена изведба од Model AA, но има и многу други разлики меѓу двете возила. Phaeton е претставен во 1936 година, со цена од 3.300 јени. До 1945 година се изработени 353 примероци. Повеќето од нив се користени од војската, под ознаката ABR, а само мал број бил достапен за цивилни корисници.
Toyota 2000GT (1969)
https://photos.app.goo.gl/NaSrScMRzwrVVQyF7
Претставен премиерно на Салонот во Токио во 1965 година, овој моќен гран-туризмо е развиен заедно со Yamaha Motor, со врвни технологии за тоа време. Уште пред почетокот на продажбата, Toyota 2000GT постави три светски и 13 интернационални рекорди за маратонско возење со полна брзина, менувајќи до радикално имиџот на јапонските автомобили.
Toyota Prius (1997)
https://photos.app.goo.gl/Q1bBCHHtpYB3V7cz9
Примерокот од Prius на фестивалот потекнува од Mega Web и еден е од првите произведени возила во моделската серија, којашто ги постави корените на хибридниот погон, кој денес е присутен во целата моделска гама на Toyota.
Lexus LFA Prototyp (2010)
https://photos.app.goo.gl/SoENSPmRKu4wtbQz8
Lexus LFA беше развиен како круна на моделската понуда на јапонскиот концерн. Во суперспортскиот автомобил со монокок изработен од карбон, работи 4,8-литарски V10 со моќност од 560 КС. Моделот се произведе во серија од само 500 примероци и се дистрибуираше на 56 пазари ширум светот. На јапонскиот пазар беа испорачани 165 примероци.
