Ferrari доаѓа со две премиери во Гудвуд

Фестивалот на брзината во Гудвуд стана поважен и од најважните салони за автомобили. Ferrari во дворот на Лорд Марч ќе одржи светска премиера на P80/C и SP3JC.

Два модела од специјалните серии на Ferrari ќе се појават пред публиката на Фестивалот на брзинатa во Гудвуд, во почетокот на јули. Ferrari ќе одржи светска премиера на P80/C и SP3JC. Секако дека овие болиди ќе ја извозат и фамозната ридска патека, во којашто е суштината на Фестивалот.

P80/C е изработен врз основа на 488 GT3 и развиван е најдолго од сите специјални серии на Ferrari досега. Освен поради перформансите, основата од 488 GT3 е користена и поради меѓуоскиното растојание што е за 50 милиметри подолго во споредба со стандардниот 488 GTB. Тоа им даде поголема слобода на инженерите во Маранело.

https://photos.app.goo.gl/54g5S8j7UqAJFTET6

SP3JC користи подвозје и погонска спрега од Ferrari F12tdf. Моделската серија во ограничен број примероци е врвно достигнување на автомобил за уживање на ветрот, изработен во стил на славните „спајдери“ на Ferrari со мотори V12 во 1950-те и 1960-те години.

https://photos.app.goo.gl/25bjNbqrm29y5fkG8

Британска премиера ќе има Monza SP2, како трета специјална серија во Гудвуд. Станува збор за модел од серијата „Icona“, којашто се инспирира од победничките болиди во 1950-те години, кога џентлмени се натпреваруваа тркало до тркало со професоналните возачи од тоа време.

На прочуената манифестација годинава ќе бидат изложени и неколку тркачки болиди од Формула 1, во чест на Михаел Шумахер, од сопствената колекција на шампионот.

Сите овие модели на Ferrari ќе бидат присутни на Фестивалот на брзината во Гудвуд

Музејот на Ferrari одбележува 90 години на „Скудерија“

Ferrari SF90 Stradale со четири мотори и 1000 КС

Ferrari F8 Tributo во чест на самиот себе

Ferrari 488 Pista без покрив во Париз

https://www.instagram.com/p/ByFwVGnB-6W/