Skoda во мај продаде близу 105.000 автомобили

Skoda во мај испорачала 104.900 возила на светскиот пазар. Тоа е за 6,6% помалку во споредба со лани и се должи првенствено на слабеењето на кинескиот пазар. На некои европски пазари, пак, чешката марка постигна двоцифрен пораст, како во Австрија (+21,9%) или Унгарија (+20,5%).

Најпродаван модел на Skoda во мај и натаму е Octavia. Новиот модел од компакт класата Scala штотуку стартува на неколку пазари. Близу половина од вкупната продажба или 45.300 возила отпаѓаат само на Западна Европа, кадешто има и раст од 2,5 проценти. Германија е најголем европски пазар, со 16.300 возила во мај (+8,4%).

Во подрачјето на Централна Европа, во мај биле испорачани 20.000 возила или 3,4 проценти повеќе од истиот месец лани. На домашниот пазар, Skoda има 9.000 продажби и раст од 3,7 проценти. Одлично напредува унгарскиот пазар, кадешто во мај биле испорачани 1.600 возила (+20,5%) . Во Словенија имало 800 нови сопственици на Skoda во мај (+2,2%).

https://photos.app.goo.gl/aeHtM3PxKbrAkjPF7

Источна Европа, без Русија, учествува со 4.900 испорачани возила и со солиден раст од 10,8 проценти. Со 700 примероци, во Бугарија се продале речиси двојно повеќе возила отколку во мај лани (+90,3%).

Русија исто така е растечки пазар за Skoda, со 7.000 возила во мај и раст од 16,8 проценти. Кина е најголем единечен пазар за марката и во минатиот месец таму биле испорачани 21.100 возила. Тоа е драстичен пад од 31,5% во споредба со мај 2018 година.

Испораки на Skoda во мај по модели

Skoda го подготвува и петтиот СУВ-модел за Кина

Пикапот од Skoda Kodiaq се вика Mountiaq и дело е на ученици

Skoda Citigo-e прв вози на струја за чешката марка на Volkswagen

Skoda Superb iV е хибрид што кај нас може да биде ослободен од 10% акциза