Јапонските концерни ги здружуваат своите сили во електричниот погон. Toyota и Subaru веќе соработуваат одлично, ова е следното проширување на соработката.
Јапонските автомобилски концерни Toyota и Subaru заеднички ќе развиваат платформа за возила со погон на батерија. Платформата ќе биде основа за различни видови возила, вклучувајќи лимузини и СУВ-модели во компакт и во средната класа. Користењето заедничка платформа ќе го поевтини и поедностави изведувањето на најразлични моделски варијанти.
Првиот заеднички модел ќе биде електричен СУВ во компакт класата, што би бил позициониран меѓу сегашните C-HR и RAV4. Дел од договорот е Subaru да ги пресели своите постоечки проекти во подрачјето на електричниот погон, во новиот заеднички проект со Toyota.
Најсилната страна на Subaru во оваа соработка е неговата експертиза во погонот на сите тркала, додека Toyota е неприкосновена во подрачјето на електрификацијата на погонската спрега. Од потпишувањето на првиот договор за соработка во 2005 година, Toyota и Subaru имаа заеднички проекти во најразлични подрачја, вклучувајќи ги развојот, производството и продажбата. Примери за тоа се спортските купе Toyota GT86 и Subari BRZ, како и продажбата на Subaru Crosstrek Hybrid на пазарот во САД. Во овој модел со плагин-хибриден погон работи техника на Toyota.
Водородни автомобили Toyota Mirai за Светскиот Олимписки Комитет
Toyota C-HR е најпродаван хибрид во Германија
Топ 25 модели во април: Toyota Corolla со +25% во продажбата
Оваа лимузина е Toyota и за Lexus
