Во приградскиот јавен превоз во Хамбург од крајот на годинава ќе бидат вклучени 16 електрични автобуси Mercedes eCitaro. Изработени по посебна нарачка, автобусите со погон на струја имаат неколку впечатливи детали во каросеријата, а поседуваат и напредна опрема во патничкиот простор.
Сите автобуси се опремени со максималниот број од 12 батериски пакети, со вкупен капацитет од 292 киловатчасови. Тоа овозможува досег до 170 километри во реални услови или теоретски околу 280 километри.
Посебност е тоа што страниците на каросеријата се дополнително застаклени. Три двојни врати овозможуват лесен проток на патници. На УСБ-приклучоците може да се полни телефон, седиштата имаат посебен дезен кој асоцира на електричниот погон, а грижата за животната средина ја заокружува подот, кој изгледа како да е изработен од дрво.
Од 2020 година, за територијата на градот Хамбург ќе се набавуваат единствено електрични автобуси. Во меѓувреме започнува и преуредување на вкупно дванаесетте автобуски гаражи, соодветно за погонот на струја.
Електричен Mercedes eCitaro е градски автобус на годината
Првиот електричен автобус Mercedes eCitaro вози во Хамбург
Автобуси на струја ќе возат низ Лондон
Првиот туристички автобус со погон на метан доаѓа од Scania
