Полицајците во Дубаи добија нов автомобил во колекцијата што постојано привлекува внимание. BMW i8 дефинитивно е најштедливиот автомобил во службениот возен парк. Што е следно?
Службениците задолжени за јавниот ред и поредок на улиците на Дубаи не можат да се пожалат дека нешто им недостига во гаражата. Досега таму имаат Bugatti Veyron, Aston Martin One-77, Ford Mustang, McLaren 12C, Ferrari FF, Lamborghini Aventador, Nissan GT-R, Audi R8, Mercedes SLS AMG, Chevrolet Camaro и Bentley Continental. Но, и покрај тоа, полицајците решија повторно да го освежат возниот парк и да го зајакнат со BMW i8. Германскиот суперспортски автомобил со хибриден погон се појави во вообичаената сино зелена комбинација, и додека полицаецот во средина се мурти, тој што е лево од него се чини дека е презадоволен со неспоредливо најштедливиот автомобил во возниот парк.
