Volkswagen порано од планираното им ги претстави електричните модели од новото семејство ID. на своите дилери. Тие треба да се обучат за продажба на електрични автомобили, но и полначи
Volkswagen ја претстави новата моделска понуда од електрични автомобили, на интерна обука за околу 5.000 свои дилери од цела Европа. Големиот собир во местото Изенбител, во Долна Саксонија, се случува релативно долго пред стартот на продажбата на првиот модел ID, којшто се очекува кон крајот на годинaва. За јавноста засега нема детали околу возила, исто како и фотографии од возилата, затоа што на настаните од ваков вид, забрането е користење каква било можност за фотографирање.
Електричниот автомобил ID Neo, со големина на Golf, ќе минува меѓу 300 и 500 километри, зависно од капацитетот на батеријата што ќе го избере купувачот. Заедно со возилата, во салоните на Volkswagen ќе се одвива и продажба на полначи за струја, на пример за в гаража или двор. Според германскиот „Ханделсблат“, се планира и поедноставување на изборот на опции. За автомобил конфигуриран според потребите и можностите на возачот, ќе бидат потребни само десет чекори.
По пример на азиските производители и Tesla: Помалку можности за избор значат и помалку трошоци за производство. Цената на електричните автомобили на Volkswagen може да биде големо изненадување
Тоа значи дека се скусува и изборот на опции, исто како кај Tesla. Со скусувањето на опциите, се скусуваат и трошоците за производство и дистрибуција. Азиските производители отсекогаш се потпирале на тоа правило, да понудат комплетни, повеќе или помалку логични пакети на опрема, во комбинација со минимум опции.
„Централата“ уште не ги открива цените на возилата и дилерската маржа. Сите информации од важниот собир остануваат во строга тајност во рамките на концернот. Volkswagen планира една четвртина од продажбата во 2025 година да отпаѓа на возила со погон на струја, вклучувајќи и верзии со плагин или благ хибриден погон.
Volkswagen T-Roc со најголем пораст во продажбата лани
Кога Volkswagen излегува на штанд со B32 и „Erdbeerkörbchen“
Volkswagen ќе произведува електрични автомобили во САД
Електричниот Volkswagen на тајна мисија во Јужна Африка
