за

Volkswagen се токми за фабрика за батерии во Канада

Volkswagen ги разгледува можните локации за својата прва фабрика за батерии надвор од Европа и можно е изборот да падне на Канада.

volkswagen id 4 амблем

Групацијата Volkswagen и нејзината посестринска компанија за батерии PowerCo почнаа да бараат локација за првата фабрика за батерии на производителот на автомобили на територијата на Северна Америка. Веста ја објави Ројтерс, повикувајќи се на извори во компанијата.

Според неименувани извори во VW, Канада била „логичен избор“ за фабриката, којашто ќе биде прва гигафабрика на Volkswagen надвор од Европа.

Потегот се опишува како проширување на писмото на разбирање што во август беше потпишано меѓу Volkswagen и Канада, земја што располага со исклучително рудно изобилство. Тогаш беше договорено да се засилат преговорите за да се обезбеди пристап до литиум, никел и кобалт.

Европските производители на автомобили се впуштија во трка за да обезбедат доволна продукција на батерии на континентот, меѓутоа индустријата уште е во фаза на зародиш.

Volkswagen во септември објави заедничко инвестирање во батерии во вредност од 2,9 милијарди долари со белгиската фирма за трговија со материјали Umicore.

Во потрагата по локација во Северна Америка, членот на управниот одбор на Volkswagen, надлежен за технологија, Томас Шмал, најави: „PowerCo се подготвува за скок преку Атлантикот. Северна Америка нуди мошне привлечни услови за овој бизнис. Ќе победи најконкурентната локација“.

Тоа беше првоаприлската шега на VW, но и не мора да биде шега

Volkswagen станува Voltswagen во Америка

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Ноември ѝ донесе рекордна продажба на Kia во Америка

Skoda ќе побрза со лансирањето на трите електрични модели