Ноември ѝ донесе рекордна продажба на Kia во Америка

Покрај глобалниот бестселер на Kia, на големиот пазар преку океанот масивно напредуваат и електричните модели. Во последните пет месеци, тие имале или двоцифрен или трицифрен раст во споредба со лани.

Американскиот огранок на Kia објави дека годинава во ноември продал повеќе возила од која било година претходно во истиот месец, откако марката е присутна на тамошниот пазар. Конкетно станува збор за продадени 56.703 возила, што е за 8 проценти повеќе во споредба со претходниот ноемвриски рекорд, којшто беше постигнат во 2016 година. Во споредба со истиот месец лани, пак, разликата е дури 25,1 проценти.

Втор месец во низа, продажбата на Kia на пазарот во САД ја предводи Sportage. Напредокот во продажбата во споредба со ноември лани изнесува 144 проценти. За рекордниот месец придонесе и високата продажба на хибридни и електрични модели на Kia, коишто во последните три месеци постојано постигнуваа двоцифрен или трицифрен раст. Разликата кај нив изнесува +133 проценти во споредба со ноември лани.

Ноемврискиот рекорд следи откако и во претходниот месец беше постигната подобра продажба од кога било досега на пазарот во САД. Третиот квартал годинава исто така е најдобар квартал за Kia на големиот американски пазар.

Во претходните месеци, моделите на Kia постојано освојуваа награди што се релевантни за пазарот во САД и учествуваа на бројни настани:

• Kia EV6 е финалист во изборот на 2023 North American Utility Vehicle of the Year.
• Kia вдоми најмногу победи за своите модели, вкупно пет модели, во истражување на остаточната вредност на моделите од страна на J.D. Power. Победија Telluride (СУВ од средна класа со три реда седишта), Sportage (компактен СУВ), K5 (средна класа), Soul (микро СУВ) и Rio (градски автомобили).
• Kia учествуваше на Electrify Expo Austin, како последен во серијата од пет настани ширум САД на коишто лидерите во електрификацијата пред јавноста ги споделуваа искуствата со електричните автомобили.

Продажба на моделите на Kia на пазарот во САД во 2022 година

Kia Sportage во октомври достигна близу 40.000 продадени примероци