Автомобилските концерни Volkswagen и Ford ќе спојат делови од своите возни паркови. Со регистрирање на таканаречен CO2-Poоl во Европската Комисија, во којшто ќе бидат опфатени лесните доставни возила, Volkswagen ќе постигне пониска емисија на СО2 и со тоа ќе избегне каква било казна на ЕУ за надминување на лимитот.
Според информациите што лице од одделението за односи со јавност на германскиот концерн ги даде за новинската агенција Блумберг, Volkswagen и Ford пред ЕУ-властите ќе водат дел од својот возен парк како да е заеднички.
Емисијата на СО2 на возниот парк на Ford е под лимитот на ЕУ. Тоа ќе го искористи Volkswagen. Засега нема информации, дали и колку Волфсбург ќе треба да му плати на партнерот од Дирборн за услугата. Можно е Volkswagen и преку друг вид соработка да му се оддолжи на Ford.
Причината зошто концернот Volkswagen е ставен пред голем предизвик во поглед на емисијата на СО2 се моќните и престижни автомобили, кои Волфсбург ги има во изобилство, почнувајќи од Audi Q7/Q8 до Bentley Bentayga.
Станува збор за таканаречен CO2-Pooling, што е дозволен со посебна регулатива. Лани Fiat склучи сличен договор со Tesla, чијшто електрични автомобили имаат нулта емисија на СО2 и тоа е совршено за концерните со големи или моќни автомобили да надоместат за високата емисија на штетниот стакленички гас.
