за

Toyota вели дека куката за влечење приколка е непотребна

Влечење приколка, а таа да не биде закачена на кука? Toyota развива технологија што оваа неверојатна замисла ќе ја направи стварност.

Прикачување врз влечна кука, обезбедување со синџир и неизвесност дали приколката натежнува премногу врз куката – сите тие перипетии исчезнуваат, со новата технологија што ја развива Toyota.

Како може да се влече приколка или возило без да се користи влечна кука? „Суштината е во тоа што возилото назад го следи возилото пред себе“, објаснува Пол Фенсон, директор за истражување и дизајн во огранокот на Toyota за Северна Америка. „Возилото што води го управува човек. Возилото назад го следи водечкото возило исто како што тоа го прави и приколка закачена на кука, единствено има разлика во тоа што не постои физичко поврзување“, додава тој.

Револуционерниот систем на Toyota за влечење без кука е во почетната фаза од развојот и се тестира само на затворен полигон. Во следната фаза ќе се премине на тестирање по автопат и во градски сообраќај. Техничарите на јапонската марка најавуваат дека ќе следат возбудливи новини.

Видеото прикажува како изгледаат тестирањата во оваа рана фаза од развојот, заедно со објаснувања од менаџерите и техничарите на Toyota

Колку се продаваат Toyota Camry и Highlander во САД?

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Ветер ќе произведува струја на тест-патеката на Mercedes-Benz

Електричен и кинески Aiways U5 вози ВИП-гости на Октоберфест