Дарко Јаконов
Специјализираното издание на Ауто Билд во коешто се објавуваат само тестови на автомобили даде одлични оцени за Toyota RAV4 Hybrid во споредбата на десет СУВ-модели во компакт класата. Според магазинот Ауто Тест, јапонскиот СУВ-пионер освојува бодови со задржувањето на вредноста, со еколошката погодност и со добрите оцени од сопствениците.
Секако дека во оцената учествува и хибридниот погон, кој се цени како моќен и ефикасен. Покрај тоа што постигнува најниска потрошувачка при градско возење меѓу десетте модели на тестот, RAV4 се одликува и со одлични теренски својства, како и со лесно ракување.
Хармонијата е главна одлика во работата на одделните компоненти од погонската спрега. Без разлика дали во моментот работи моторот или погонот целосно го презема електромоторот „кога се разговара со совозачот, тешко е да се погоди каков погон користи RAV4 во тој момент“, пишува во тестот. „На тој начин се постигнува најниската можна потрошувачка, без потреба да се применува штедлив стил на возење.“
Решавачката предност на RAV4 се покажува во заклучната пресметка. На компактниот СУВ му се проценува преостаната вредност од 70% по две години и 40.000 километри, според Шваке. Редакцијата на Ауто Тест дополнително ја оценува и еколошката погодност. Во тој поглед, Toyota освојува 72% од максималните бодови, гледано во целиот животен век на автомобилот.
Авторите на Ауто Тест: „Хибридите на Toyota имаат легендарна издржливост“
Уште една доблест на RAV4 е индексот на задоволство на сопствениците на моделот, којшто се пресметува од страна на познатата консултантска компанија Џеј Ди Пауер. Според тој индекс, 79 проценти од сопствениците на Toyota RAV4 немале никакви проблеми, ниту пак имаат посериозни забелешки за автомобилот. Сето тоа веродостојно го заклучуваат и авторите на тестот: „Хибридите на Toyota имаат легендарна издржливост“.
>>> Toyota RAV4 отсега полни батерија и на „штекер“
