Дарко Јаконов
Toyota штотуку стартуваше со продажба на новиот основен СУВ-модел на јапонскиот пазар. Развојот на Raize се одвиваше во Daihatsu, марка што е дел од групацијата. Претходникот на овој модел пред повеќе години се нудеше и на македонскиот пазар, Daihatsu Terios.
Toyota Raize можеби е малечок СУВ, но пак е голем автомобил – затоа што ги „открива“ марките во и блиску до концернот. Моделот е развиен од специјалистот за малечки автомобили Daihatsu, од него е изведена верзијата Raize под знакот на Toyota, а во иднина врз негова основа ќе се изработува и новиот СУВ со партнерот Suzuki, кој ќе се продава на индискиот пазар, како следен голем пазар од когошто се очекува продажен бум.
Долг точно четири метри, Raize е изработен врз платформата DNGA (од Daihatsu New Global Architecture, развивана заедно со Toyota, според принципите на TNGA) и нуди просторна кабина и голем багажник од 369 литри.
Турбо-трицилиндарец со 98 КС и 140 Nm работи во комбинација со менувач D-CVT како во Lexus
Во каросеријата е користен челик со висока цврстина, што придонесува за смалување на тежината. Еднолитарскиот мотор со турбонатполнење е нов и работи во комбинација со менувач D-CVT. Оваа варијанта на менувач со постојано променлив преносен однос првпат се користи во Toyota, откако имаше премиера во Lexus LC/LS 500h. Станува збор за менувач CVT што при повисоки брзини користи класична комбинација со запченици, заради постигнување уште пониска потрошувачка.
https://photos.app.goo.gl/efw4tUSnsghY4pUdA
Во списокот на стандардна опрема следат и мноштво системи за асистенција, меѓу кои систем за активно следење лента или самостојно запирање при опасност од судир.
Посебност кај овој модел што засега се нуди само во Јапонија е популарната месечна „претплата“ за автомобил Kinto One, во којашто се вклучени практично сите трошоци околу експлоатацијата на возилото, освен горивото (осигурување, регистрација, одржување и помали поправки). Ратите за Toyota Raize стартуваат од 39.820 јени, што е околу 330 евра.
https://photos.app.goo.gl/e78UxJ9avp5rfuMNA
Планираната месечна продажба на јапонскиот пазар изнесува 4.100 возила. Производството е во фабриката на Daihatsu во Шига, Јапонија.
Ценовникот за Јапонија почнува од 14.000 евра за изведба со преден погон, а завршува со топ моделот со погон на сите тркала и топ-опрема, со цена од близу 23.000 евра.
Засега отсуствуваат информации околу можниот старт на Toyota Raize на европскиот пазар.
https://photos.app.goo.gl/gtxZ1dK77eGGGrtF6
https://photos.app.goo.gl/A8w9JQShkmBEwzN16
https://photos.app.goo.gl/Tt5C57KLuVbQJBbi9
https://www.instagram.com/p/B4W4P1cn9sO/
