Во Toyota како да е сезона на изведување на спортски изведби од Corolla. По најавата за почетокот на продажбата на лимузинската GR Corolla во Европа, сега се јавува и американскиот огранок. Името на тамошниот спортист е Apex, моторот е дволитарски бензинец, ексклузивно ќе се изработат 120 примероци со мануелен менувач.
Љубителите на спортското возење и на марката Toyota на пазарот во САД добија на располагање специјален модел Corolla Apex Edition. Името е избрано според основниот поим на возењето по тркачка патека, односно по темето во свијокот, „apex“ на англиски.
Моторот е дволитарски бензинец Dynamic Force, познат меѓу другото и од RAV4. Неколку каросериски додатоци во сосем различен стил од европскиот „GR“ ставаат спортски нагласок на изгледот. Секако дека во пакетот е содржан и уникатен издувен систем, со соодветен звук.
https://photos.app.goo.gl/Djf6riLCt4Hc1j2E6
Toyota ќе произведе 6.000 примероци од Corolla Apex, главнината опремена со менувач CVT, со симулација на 10-степен секвенцијален менувач и со рачки на воланот. Соодветно за пазарот што веќе со децении е строго ориентиран на автоматски менувачи, Toyota ќе понуди и екстремно лимитирана серија од 120 примероци од Apex со мануелен 6-степен менувач во САД.
Подвозјето на Corolla Apex е посебно дотерувано на тркачката патека Хигаши-Фуци и на патеки во Аризона и Тексас
Посебен нагласок во изгледот ставаат деталите во бронзена боја. По желба, Corolla Apex ќе се испорача и со заден спојлер. Подвозјето е дотерано сосем различно од стандардната изведба, со обемни тест возења и фини зафати на патеката Хигаши-Фуџи во Јапонија, како и на тест-патеките во Аризона и во Тексас.
Уникатни пружини ја спуштаат каросеријата за 15 милиметри и работат во комбинација со посебни амортизери од фабричките. Стабилизаторите исто така се скрутени. Сите преправки го смалуваат страничното наведнување за 47% напред и за 33% назад. Бандажите од 18 инчи имаат специјална конструкција што го подобрува ладењето на сопирачките и полесни се за килограм по тркало.
https://photos.app.goo.gl/oWSG1umtdz5C9Nhq8
Дволитарскиот атмосферски мотор постигнува 169 КС при 6.600/min и вртежен момент од 205 њутнметри при 4.800/min. Според американската EPA-норма, просечната потрошувачка со менувач CVT изнесува 6,9 литри, односно 7,3 литри на сто километри со мануелен менувач.
https://www.youtube.com/watch?v=KdHfQreTISg
