Toyota секогаш има по некој јубилеј за одбележување. Годинава тоа се 50 години од претставувањето на првата Celica, на спортското купе што имаше голема кариера на светскиот пазар, но и уште повпечатливи успеси во релито. За деновиве што повеќе ги минуваме по дома, имаме еден интересен предлог: Може да го изработите овој легендарен модел од хартија, брзо и едноставно.
Љубителите на марката Toyota и општо на автомобилите, со задоволство ќе се препуштат на ова уживање, во духот на времето пред персоналните компјутери и паметни телефони и времето на печатените медиуми. За одбележување на половина век од претставувањето на спортското купе Toyota Celica, јапонскиот производител ја poнуди оваа макета за изработка на светски познатиот автомобил – од хартија.
Доволен е печатар во боја или куса посета на некое од бројните графички студија кај нас, кои тоа ќе го испечатат професионално, како и лепило за хартија и ножици. Освен тоа, секако дека е потребно малку време и повеќе трпение, малку повеќе грижа за совршена изработка, можеби слично на стилот на фамозните такуми занаетчии.
Уште еден предлог: Составената макета фотографирајте ја и испратете ја до профилите на Тојота Ауто Центар на социјалните мрежи.
Преземете тука >>> Toyota Celica 1973 макета
Повеќе за овој важен модел на Toyota можете да прочитате во нашата објава за 50-годишнината
Toyota Celica TA22 или кола за првиот ден по Нова Година
