Sportage и во Америка меѓу најпродаваните модели на Kia

САД се важен пазар за Kia, а со изборот на Telluride за „џип“ на годината се потврди дека и марката им е важна на возачките и возачите на големиот пазар. Американскиот огранок ги објави продажбите за првиот квартал. Sportage е топ-СУВ на Kia, со близу 25.000 примероци во првиот квартал.

Kia во првиот квартал од годинава продаде 169.650 автомобили на пазарот во САД. Во споредба со истиот период лани, тоа се десетина проценти помалку, и последица е од корона-кризата. Таа тема овојпат ќе ја прескокнеме, не’ интересира кој е „американскиот“ Sportage, најпродаваниот СУВ-модел на Kia во САД.

Според податоците за првиот квартал, компактниот СУВ постигнал 24.021 продажби. Пред него се единствено лимузината од средната класа Optima, со 27.239 примероци и компактната лимузина Forte со 26.581 примероци. Тоа што е впечатливо за големиот пазар е изедначеноста во продажбата меѓу одделните модели. Четвртиот најпродаван модел Sorento, на пример, кој наскоро ќе стартува со продажба во новата генерација, до април се продал во 22.341 примероци, а по него се Soul (20.278) и апсолутниот хит-модел Telluride, со 19.913 примероци.

Феноменот Sportage очигледно дејствува и од другата страна на океанот. Тамошните менаџери го спомнуваат „европското влијание“, како еден од факторите што придонесуваат за популарноста на моделот, во земјата од којашто практично почна масовниот и веќе со децении несопрен бран на СУВ-моделите.

На Американците им се поважни основните вредности, Европа повеќе сака префинетост: Основен мотор од 2,4 л. во САД, супериорна опременост кај моделот за нашиот пазар

Американскиот модел сепак се разликува од тој што сосем добро го познаваме на нашиот пазар. Главната разлика е во понудата од мотори. Во Европа се вози 1,6-литарски бензинец со директно впрскување и 132 КС, односно со турбо-177 КС, како и 1,6- и 2,0-литарски дизел со 136 и 185 КС, вклучувајќи и верзија со благ-хибриден погон. Наспроти тоа, САД по традиција оди на голема работна зафатнина – без дизел, секако.

https://photos.app.goo.gl/sDrfY4MXyzHQ8WrN7

Основниот модел во САД користи 2,4-литарски бензинец со директно впрскување (GDi) со 181 КС, шестстепен автоматски менувач и погон напред. Втор мотор во понудата е дволитарски турбо со 240 КС, познат од Stinger. Разлика има и во цената. Стартот на Sportage во САД е од 23.990 долари, односно околу 21.850 евра. Во Македонија, стартот е од 17.950 евра за познатата верзија 1.6 GDi со 136 КС и ниво на опрема Reference. Разликата се смалува, бидејќи тамошниот Sportage поседува автоматски менувач. Но, од друга страна, опременоста кај нашиот основен Reference е барем две нивоа над тоа што го нуди основниот модел во САД.

Куса споредба на техничките податоци на основните изведба на Kia Sportage за САД и ЕУ

Реално, американскиот основен модел на Kia Sportage, со нивото на моќност и со автоматски менувач како стандард, ценовно може да се спореди со нашиот Sportage 1.6 T-GDi со 177 КС и со менувач со двојна спојка, кој чини 21.900 евра. Тукашната понуда сепак предничи, поради тоа што нивото Reference вклучува ставки за кои американските возачи мораат да посегнат по нивото EX, со цена од 27.290 долари или околу 24.850 евра.

Само неколку ставки што македонските возачки и возачи ги добиваат уште во основниот модел на Sportage, додека во САД истите следат само во топ-нивото: Автоматска двозонска клима, електрична паркирна сопирачка, кожа на волан и на рачка на менувач, сензор за дожд, магленки, кровни носачи, собирање ретровизори и диодни трепкачи во ретровизори. Тоа се солидни 3.000 евра разлика. Како што и самите Американци признаваат, Sportage сепак е „европски“ модел.

https://photos.app.goo.gl/CVu8yPz3gt72T8dG7

Цени на Kia Sportage во САД

Sportage S 2.4L I4 – 6 A/T (FWD) $26,140.00

Sportage EX 2.4L I4 – 6 A/T (FWD) $27,290.00

Sportage LX 2.4L I4 – 6 A/T (AWD) $25,490.00

Sportage S 2.4L I4 – 6 A/T (AWD) $27,840.00

Sportage EX 2.4L I4 – 6 A/T (AWD) $28,790.00

Sportage SX Turbo 2.0L T-GDI – 6 A/T (FWD) $33,590.00

Sportage SX Turbo 2.0L T-GDI – 6 A/T (AWD) $35,090.00

Цени на Kia Sportage во Македонија (промотивна цена)

Sportage 1.6 GDi Reference 17.950 евра

Sportage 1.6 Т-GDi Reference 19.950 евра

Sportage 1.6 Т-GDi Reference DCT7 21.900 евра

Sportage 1.6 Т-GDi Reference AWD 21.900 евра

Sportage 1.6 Т-GDi Reference DCT7 AWD 23.850 евра

Sportage 1.6 CRDi Reference 20.950 евра

Sportage 1.6 CRDi Reference DCT7 22.900 евра

Sportage 1.6 CRDi Reference AWD 22.900 евра

Sportage 1.6 CRDi Reference DCT7 AWD 24.850 евра

Sportage 1.6 Т-GDi Reference 2 DCT7 AWD 26.750 евра

Sportage 1.6 CRDi Reference 2 DCT7 AWD 28.650 евра

Тест: Kia Sportage 1.6 GDi Vision 2WD