Toyota ќе го произведува кросоверот C-HR во Турција

Како што најави со студијата C-HR од Париз, јапонската марка планира да ја збогати моделската понуда со кросовер базиран на платформата од Corolla, којшто ќе се произведува во Турција.

Според пишувањето на јапонскиот „Никеи Репорт“, Toyota планира да го произведува кросоверот позициониран под RAV4 во Турција. Новиот модел ќе се ориентира според дизајнот на студијата C-HR којашто беше прикажана на салонот во Париз. За производството на новиот кросовер, Toyota ќе инвестира 187 милиони долари во проширувањето на фабриката во турскиот Адапазари.

Со оваа инвестиција ќе се зголеми производствениот капацитет за 100.000 возила. Во фабриката во Турција, Toyora го произведува Verso, а од средината на минатата година и актуелната верзија на Toyota Corolla. Возилата од Турција се извезуваат во 30 држави во Европа, на Средниот Исток и во Африка. Кросоверот ќе ја користи платформата NGA-C на којашто се базира и актуелната Corolla.