Во ноември, Toyota повторно продаде повеќе возила отколку Volkswagen и со тоа е на пат да ја задржи титулата на најголем производител на автомобили во светот. Разликата е „само“ 100 илјади возила.
Во периодот од јануари до ноември, јапонската марка продаде вкупно 9,2 милиони возила низ светот и со тоа повторно е во предност во споредба со Volkswagen, кој заостана со само 100 илјади возила во битката за најголем производител на автомобили на земјината топка. Пет години во континуитет Toyota продава повеќе возила од Volkswagen. Онаа „стотка“ заостаток можеби ќе се претвореше во предност за германскиот гигант, доколку не избиеше аферата за лажните вредности на издувот на дизел моторите. Можеби сепак ќе се случи некое изненадување во последниот месец од годинава.