Во последниот извештај на Interbrand, Toyota повторно е проценета како највредна автомобилска марка во светот. Јапонците напредуваа две места погоре во генералниот пласман, со вредност проценета на 49 милијарди долари.
Со дванаесет нови или освежени модели во текот на годинава, Toyota повторно ја заслужи титулата на највредна амрка автомобили во светот, според извештајот на Interbrand за 2015 година. Јапонската компанија напредуваше две места погоре и стана шеста највредна марка на ранг-листата на светски марки од сите бранши. Interbrand ја процени вредноста на Toyota во 2015 година на 49 милијарди долари, што претставува раст од 16 проценти и нова рекордна вредност за марката.
Почнувајќи уште во јануари, Toyota ги претстави комплетно новите или освежени генерации на Prius, Tacoma, RAV4, Land Cruiser и Avalon. Покрај тоа, Toyota зачекори кон иднината на мобилноста, со почетокот на продажбата на моделот со погон на водород, Mirai, а воедно ги претстави и новите безбедносни технологии Toyota Safety Sense, предводени од самостојното запирање на возилото во случај на незгода.
Во процената на Interbrand влегува и неодамна лансираната глобална кампања Toyota New Global Architecture (TNGA), којашто му овозможува на јапонскиот производител, со намалени трошоци за развој да постигне напредок во перформансите на своите автомобили. Покрај тоа, Toyota е активно присутна и во општествената сфера, преку Toyota Mobility Foundation, којашто придонесува за унапредување на мобилноста на глобално ниво, како и i-Road, како иновација на полето на индивидуалната мобилност.
Interbrand ги оценува стоте највредни марки во светот според единствена методологија, преку анализа на сите начини на кои што марката ја тангира и носи бенефит за организацијата, почнувајќи од ангажирање на врвни експерти до исполнување на очекувањата на купувачите. Клучна улога за одредувањето на вредноста на марката имаат три аспекти: Финансискиот ефект на брендираните производи или услуги, учеството на марката при изборот на купувачите, како и способноста на марката да ја оправда цената или да обезбеди придобивки за компанијата.
# | Во ген. пласман | Марка | Земја | Вредност (милијарди долари) | Промена во споредба со 2014 |
1 | 6 | Toyota | Јапонија | 49,048 | +16% |
2 | 11 | BMW | Германија | 37,212 | +9% |
3 | 12 | Mercedes-Benz | Германија | 36,711 | +7% |
4 | 19 | Honda | Јапонија | 22,975 | +6% |
5 | 35 | Volkswagen | Германија | 12,545 | -9% |
6 | 38 | Ford | САД | 11,578 | +6% |
7 | 39 | Hyundai | Јужна Кореја | 11,293 | +8% |
8 | 44 | Audi | Германија | 10,328 | +5% |
9 | 49 | Nissan | Јапонија | 9,082 | +19% |
10 | 56 | Porsche | Германија | 8,055 | +12% |
11 | 74 | Kia | Јужна Кореја | 5,666 | +5% |
12 | 79 | Harley-Davidson | САД | 5,460 | +14% |
13 | 85 | Chevrolet | САД | 5,133 | +2% |
14 | 87 | Land Rover | Велика Британија | 5,109 | +14% |
15 | 98 | Mini | Велика Британија | 4,243 | – |