Следната генерација на автомобилот со погон на водород на Toyota може да се појави уште пред 2020 година. Постои добра причина зошто јапонскиот гигант го избира овој тајминг за новиот Mirai: Одржувањето на Олимписките игри во Токио.
Toyota ја подготвува втората генерација на својот модел со погон на водород Mirai. Новиот автомобил ќе се појави по само пет години од премиерата на актуелниот модел. Според Кијотака Исе, шеф за развој и истражување во Toyota, Олимпијадата во Токио во 2020 година може да биде идеална подлога за презентација на новиот Mirai.
Јапонскиот производител постави цел до крајот на деценијата да достигне годишна продукција од 30.000 автомобили со погон на водород. Тоа е десетпати повеќе отколку што е планирано за следната година. Затоа пак е сосема извесно дека Toyota ќе испорача 100 автобуси со водороден погон за Олимписките игри.
Toyota ја смени својата стратегија за хибридни и електрични автомобили. Пред неколку денови од концернот соопштија дека до 2020 година ќе претстават компактен автомобил со електричен погон којшто ќе постигнува досег од 300 километри во реални услови на возење.
