Основоположникот на трендот на теренци што се достапни за народот пристига во нова генерација. Сериската верзија на концептот iV-4 од салонот во Франкфурт е новата Vitara.
Јапонскиот специјалист за теренци и трендовски градски автомобили подготвува голема светска премиера за претстојниот салон во Париз, којшто се одржува од 4-ти до 19-ти октомври. Повеќе детали околу новиот модел не се откриваат, Suzuki само потврдува дека новата Vitara ќе го користи погонот на сите тркала Allgrip во комбинација со напредна технологија во погонската спрега во насока на намалување на потрошувачката на гориво и ќе нуди можности за индивидуализација на стилот на компактниот теренец, меѓу другото и изведба на покривот во контрастна боја со каросеријата.
