Најценетите и најобожувани автомобилски и мото икони, во саботата ги донесоа добриот дух и позитивното расположение на некои стари времиња, на вториот „Скопје Класик“ пред хотелот Александар Палас. Беспрекорна организација, расположена публика, задоволни олдтајмерџии – не постои тукашен настан што повеќе ја поттикнал желбата да се поседува и негува стар автомобил или мотоцикл. Засега, автомобилски настан на годината.
Втор обид и веќе конечен успех. Настанот што се одржа лани кај „Авионот“ во скопски Аеродром беше многу повеќе од воведно издание. Нешто повеќе од половина година подоцна, „Скопје Класик“ повторно се појавува пред публиката, како настан со спонтаност и со силно зрачење какво што инаку имаат само повеќедецениските спектакли во жариштето на сцената на олдтајмерите.
Атмосфера како пред рок-концерт, тука сите се дојдени со истата цел и исти интереси, да се обожуваат старите автомобили – и доброто дружење
Педесетина олдтајмери, препознатливи и одушевувачки модели за љубителите на автомобилизмот и за оние што денес се регрутираа како такви, во пријатната атмосфера пред хотелот Александар Палас, ги донесоа звуците, убавините, расположението, сјајот и занесеноста од пред осумдесетина години, па наваму.
https://photos.app.goo.gl/KCfXVNCN6azDkEZK6
Во средиштето на настанот стои паркиран Mercedes W113, прочуен по „пагода-покривот“, а веднаш спроти него, наследникот C107, за неколку редови подолу да се појават најдобрите понтон-изведби, секогаш препознатливи по робусноста и масивноста. Слична слика се повторува со низата од Porsche 356 C, 912 и 911 Carrera од генерацијата што познавачите ја водат како „G-Modell“. Отспротива, 911 Targa, на чијшто кожен покрив се препознава свежа реставрација.
На овие автомобили одамна не им е потребно да се тркаат, за да ја докажат својата вредност, тие се историски победници
Повеќето автомобили ги носат трофеите од учеството на најпознати собири на олдтајмери во регионот и пошироко, како амблеми закачени на маската. Сите автомобили тука се еднакви, речиси не постои хиерархија, како во продажен салон. Rover P6 и Zastava 101 тука имаат иста вредност, мерено според историскиот дух што го пренесуваат. Истото важи и за Буба и Oldsmobile Cutlass Supreme.
https://photos.app.goo.gl/e2UpzYtJTPcoPx8RA
Жирито во меѓувреме почнува да ги прогласува победниците по класи, но сите се победници. Тоа што најмногу го постигна „Скопје Класик 2019“ е создавање солидна сцена за обожување и ценење на олдтајмерите. А, тоа значи: Неколкумина ентузијасти, а тоа е сосем доволно, ќе се охрабрат да се впуштат во проекти на реставрација на историски автомобили, кои ги поседуваат во гаража, или ги имаат видено како се оставени во гаражата на соседот.
Некои имаат олдтајмери, но ги гледаат само како стари автомобили; Вакви настани инспирираат
Некои можеби ќе размислуваат да увезат историски примерок по достапна цена, во когошто сите изгубиле надеж. Тие што поседуваат одтајмери, со жива и богата сцена, ќе добијат посилен поттик да го одржуваат својот миленик. Расте и вредноста. Тие, пак, што своите стари автомобили ги гледале само како стари автомобили, можеби ќе почнат да ги гледаат како олдтајмери, со малку повеќе труд, па уште малку повеќе.
https://photos.app.goo.gl/FxFaK9RTA7nqj4op6
Богата е сцената и вредни се моментите што таа ги произведува. Организаторите, инаку, не се толку нови на сцената. Скопје Класик е уште еден проект на Екипашот на џентлмени, на Gentemans Crew, кои се појавија како клуб во 2016 година, по локалното издание на The Distinguished Gentlemen’s Ride. Како што оценивме: Дефинитивно, автомобилски настан на годината.
https://photos.app.goo.gl/4pD9CBB3p6UBUVUs6
https://photos.app.goo.gl/fxwNMEhQue4hRhW66
https://photos.app.goo.gl/AG1Z7VHTaRN4AV3K6
https://photos.app.goo.gl/oSTG2WovVuEyNA4G7
https://photos.app.goo.gl/saPyQCiC4MvnFivA8
https://photos.app.goo.gl/DVJmj9vBgzkggvgn8
https://photos.app.goo.gl/oJ3t9PwAyKTABasR7
https://photos.app.goo.gl/1xDPBgrPWXCPJnoV6
https://photos.app.goo.gl/8t8E2zfr93QRFuPB7
https://photos.app.goo.gl/JwqjvyDQieZ7kHfZ7
https://photos.app.goo.gl/Q3nz9aTYmZfHndL7A
https://photos.app.goo.gl/hcgY5t6qnEML1gs96
https://photos.app.goo.gl/dwgoCYcupoYrmvZP8
https://photos.app.goo.gl/HLGVs9Kw85w9DNSW7
https://photos.app.goo.gl/KU2b7HkvjdLfddoS7
https://photos.app.goo.gl/VAcs1AwhWqL8aRSz8
https://photos.app.goo.gl/K5Q9NmNUZ4JC6LWt8
https://photos.app.goo.gl/smW7L1sToRJC363b7
https://photos.app.goo.gl/U9ptPbyHe734vEnp8
https://photos.app.goo.gl/H6LGneW5EYoE1XTz7
https://photos.app.goo.gl/rEgs28kKenTyteru9
https://photos.app.goo.gl/AxhEvxx7hQxMv3RM9
https://photos.app.goo.gl/edpLRj2NtDoCPwFR9
https://photos.app.goo.gl/EpPEPXgxRKArPADT6
http://www.gentlemanscrew.com/home
